misikeke soweli

misikeke soweli li pona e soweli. soweli li pakala anu pilin jaki la, jan pi misikeke soweli li ken pona e ike ni kepeken misikeke, kepeken ilo misikeke.

jan mute li olin e soweli pona ona. wile ona la soweli o pakala ala o moli ala. ni la, jan li tawa e soweli ona tawa tomo pi misikeke soweli tan wile pona. jan pan kin li sona e misikeke soweli tan ni: pakala pi soweli ona li ike.

soweli li pakala li ken ala pona la jan pi misikeke soweli li ken moli pona e ona, li pini e pakala ona.

jan mute li wile e ni: soweli li ken ala mama. ni la jan pi misikeke soweli li weka e ken mama tan soweli kepeken ilo misikeke. suli la ni li pona e mute soweli.