misikeke tonsi
jan tonsi mute li ante e sijelo ona kepeken misikeke. ona li ken meli anu mije e jan, li ante e sijelo lukin.
misikeke mije
[o ante | o ante e toki ilo]
misikeke tonsi mije li ken mije e jan. ona li ken ko anu telo. ona li ko la jan li ko e selo ona. ona li telo la ona li insa e ona kepeken palisa misikeke.
misikeke mije li ante e kalama mu jan, li linja e selo. ona li ken ante e pilin.
misikeke meli
[o ante | o ante e toki ilo]
misikeke tonsi meli li ken meli e jan. misikeke meli pi nasin tu li lon. nasin wan li ken pini e ijo mije. ni li misikeke kiwen, li ken moku.
nasin ante li meli e sijelo jan. ni li ken kiwen anu telo. ona li kiwen la jan li moku e ona. ona li telo la ona li insa e ona kepeken palisa misikeke.
misikeke meli li suli e nena mama sinpin, e nena monsi, li suwi e selo. ona li ken lili e linja sinpin anpa. ona li ante ala e kalama mu. ona li ken ante e pilin.