mije pi lipu ma
mije pi lipu ma (toki Inli la: Map Men) li sitelen tawa pi sona musi[1][2] lon toki Inli, li jo e kulupu lili luka pi sitelen tawa. ona la jan Se Poman li jan Ma Kupa-Son li pana e sona ma.[1][2][3] ilo Jutu la, jan pi nanpa 1,00,00,00 tawa 5,00,00,00 li lukin e sitelen ni.[1][2][4]
tan
[o ante | o ante e toki ilo]jan Se Poman en jan Ma Kupa-Son li pali e sitelen tawa ni li sitelen e toki ona li lon ona.[1][2][3] tenpo pini la, jan Ma Kupa-Son li jan pi pana sona pi sona ma. jan Se Poman li sona e jan Ma Kupa-Son lon kulupu pi musi ante pi ma tomo Esinpu lon tenpo sike #2009 anu tenpo sike #2010. ona tu li pali e musi lon kulupu ni.[5]
sitelen tawa li open lon tenpo sike #2016[3] li jo e kulupu luka. ona li wan e musi e sona ma,[3] li pana e sona tan ijo wan lon sitelen tawa wan. mute la ijo ni li toki lon lipu ma.[3] jan li toki e ni: nasin ona pi pana sona li sama sitelen tawa "tenpo pini ike",[1][2] taso ona tu li toki e ni: nasin mi li tan nasin pi kulupu Monsi Pason.[3] sitelen tawa ona li jo e musi lukin pi tenpo lili e sitelen tawa musi lili.[2][6]
mije tu pi lipu ma li toki e ni: sitelen tawa ni li kama suli tan ni: jan ala li kepeken lipu ma lon tenpo ni, ni la ona li kama pona tawa jan nasa pi sona mute taso.[3] kin la, sitelen tawa li kama suli la, ona li toki e ni: ni li tan musi pi sitelen tawa. li toki e ni: sitelen tawa mute li wan e musi e sona ma, taso sitelen tawa ni la, musi en pana sona la musi li suli nanpa wan.[6]
tenpo sike #2021 la, jan li pana e sitelen tawa ni tawa kipisi "kama sona en pana sona" pi utala nanpa 11 pi ilo Jutu, taso jan Welitasijun li anpa e ona.[7]
tenpo sike #2024 la, sitelen tawa ona tan nasa pi nasin toki pi nimi ma lon ma Juke li kama "sitelen tawa nanpa wan lon tenpo sike" lon utala nanpa wan pi sitelen pi ilo Towin lon ma Juke lon ma Ele.[8]
mun #10 pi sike #2025 la, mije pi lipu ma li pali e lipu "poka ni o sewi: tenpo la lipu ma li ken pakala, ni li suli tan ni: (toki Inli la: This Way Up: When Maps Go Wrong (And Why It Matters))" (nanpa ISBN 978-0-3697-7503-0).
kulupu nanpa tu tu pi sitelen tawa li pini lon suno #13 pi mun #10 pi sike #2024 li jo e sitelen tawa luka tu wan.
sitelen tawa
[o ante | o ante e toki ilo]| kulupu nanpa | nanpa pi sitelen tawa | tenpo open | tenpo pini | nanpa meso pi jan lukin |
|---|---|---|---|---|
| wan | luka wan | suno #4 pi mun #5 pi sike #2016 | suno #7 pi mun #8 pi sike #2016 | 4,00,00,00 |
| tu | luka | suno #15 pi mun #4 pi sike #2019 | suno #2 pi mun #9 pi sike #2019 | 4,38,00,00 |
| tu wan | luka luka wan | suno #16 pi mun #11 pi sike #2020 | suno #13 pi mun #9 pi sike #2021 | 3,97,00,00 |
| tu tu | luka luka | suno #10 pi mun #7 pi sike #2023 | suno #30 pi mun #6 pi sike #2025 | 2,88,00,00 |
| luka | luka (lon tenpo ni) | suno #23 pi mun #6 pi sike #2025 | sona ala | sona ala |
kulupu nanpa wan
[o ante | o ante e toki ilo]| nanpa tawa ale | nanpa lon kulupu ona | nimi | jan pi lawa ona | jan sitelen pi toki ona | tenpo kama | jan lukin |
|---|---|---|---|---|---|---|
| wan | wan | "ma Pi Tawi – jan ala li wile ona" | jan Po Kenla | jan Se Poman en jan Ma Kupa-Son | suno #4 pi mun #5 pi sike #2016 | 4,30,00,00 |
| tu | tu | "lipu Mapa Munsi – lipu pi ma ale pi ike nanpa wan?" | jan Po Kenla | jan Se Poman en jan Ma Kupa-Son | suno #25 pi mun #5 pi sike #2016 | 2,90,00,00 |
| tu wan | tu wan | "poka lete en poka seli pi ma Juke li kipisi lon seme?" | jan Po Kenla | jan Se Poman en jan Ma Kupa-Son | suno #10 pi mun #6 pi sike #2016 | 5,60,00,00 |
| tu tu | tu tu | "ma Palata en ma Panla - sinpin pi ike nanpa wan lon ma ale" | jan Po Kenla | jan Se Poman en jan Ma Kupa-Son | suno #8 pi mun #7 pi sike #2016 | 5,00,00,00 |
| luka | luka | "tan seme la lipu majuna ni pi ma tomo Pelin pi open suno li jo e kipisi pi lon ala?" | jan Po Kenla | jan Se Poman en jan Ma Kupa-Son | suno #4 pi mun #8 pi sike #2016 | 3,40,00,00 |
| luka wan | luka wan | "ma seme li jo e telo Sonko seli?" | jan Po Kenla | jan Se Poman en jan Ma Kupa-Son | suno #7 pi mun #8 pi sike #2016 | 2,80,00,00 |
kulupu nanpa tu
[o ante | o ante e toki ilo]| nanpa tawa ale | nanpa lon kulupu ona | nimi | jan pi lawa ona | jan sitelen pi toki ona | tenpo kama | jan lukin |
|---|---|---|---|---|---|---|
| luka tu | wan | "sinpin pi majuna nanpa wan pi ma tu?" | sona ala | jan Se Poman en jan Ma Kupa-Son | suno #15 pi mun #4 pi sike #2019 | 4,40,00,00 |
| luka tu wan | tu | "tan seme la lipu ma li sitelen e ma powe?" | sona ala | jan Se Poman en jan Ma Kupa-Son | suno #14 pi mun #5 pi sike #2019 | 3,60,00,00 |
| luka tu tu | tu wan | "lipu ale pi ma ale li powe. ni li tan ni:" | sona ala | jan Se Poman en jan Ma Kupa-Son | suno #5 pi mun #6 pi sike #2019 | 4,60,00,00 |
| luka luka | tu tu | "seme la selo pi poka tu wan li lili e ma Kanse?" | sona ala | jan Se Poman en jan Ma Kupa-Son | suno #7 pi mun #8 pi sike #2019 | 4,20,00,00 |
| luka luka wan | luka | "ma tenpo pi nasa musi nanpa wan" | sona ala | jan Se Poman en jan Ma Kupa-Son | suno #2 pi mun #9 pi sike #2019 | 5,10,00,00 |
kulupu nanpa tu wan
[o ante | o ante e toki ilo]| nanpa tawa ale | nanpa lon kulupu ona | nimi | jan pi lawa ona | jan sitelen pi toki ona | tenpo kama | jan lukin |
|---|---|---|---|---|---|---|
| luka luka tu | wan | "lipu ma ni li awen e jan pi mute nanpa wan lon ma ale" | jan Se Naki | jan Se Poman en jan Ma Kupa-Son | suno #16 pi mun #11 pi sike #2020 | 2,40,00,00 |
| luka luka tu wan | tu | "nasin toki pi nimi ma lon ma Juke li nasa a tan seme?" | jan Se Naki | jan Se Poman en jan Ma Kupa-Son | suno #19 pi mun #11 pi sike #2020 | 6,20,00,00 |
| luka luka tu tu | tu wan | "ma Losi li jo e lipu pi ma Inli pi pona nanpa wan tan seme?" | jan Se Naki | jan Se Poman en jan Ma Kupa-Son | suno #11 pi mun #1 pi sike #2021 | 4,00,00,00 |
| luka luka luka | tu tu | "ma ale li kama seme lukin lon tenpo sike 2,50,00,00,00 kama?" | jan Se Naki | jan Se Poman en jan Ma Kupa-Son | suno #15 pi mun #2 pi sike #2021 | 4,00,00,00 |
| luka luka luka wan | luka | "jan seme li jo e ma Antasika?" | jan Se Naki | jan Se Poman en jan Ma Kupa-Son | suno #15 pi mun #3 pi sike #2021 | 3,10,00,00 |
| luka luka luka tu | luka wan | "ma seme li leko nanpa wan?" | jan Se Naki | jan Se Poman en jan Ma Kupa-Son | suno #12 pi mun #4 pi sike #2021 | 4,70,00,00 |
| luka luka luka tu wan | luka tu | "ma pi nimi "America" li lon seme?" | jan Se Naki | jan Se Poman en jan Ma Kupa-Son | suno #26 pi mun #4 pi sike #2021 | 3,20,00,00 |
| luka luka luka tu tu | luka tu wan | "seme la jan li ken open e ma sin?" | jan Se Naki | jan Se Poman en jan Ma Kupa-Son | suno #31 pi mun #5 pi sike #2021 | 3,60,00,00 |
| mute | luka tu tu | "ma suli pi nanpa seme li lon?" | jan Se Naki | jan Se Poman en jan Ma Kupa-Son | suno #28 pi mun #6 pi sike #2021 | 4,00,00,00 |
| mute wan | luka luka | "pakala pi linja powe pi tawa sewi pi lipu ma: alasa pi sona ni li moli e jan pi mute nanpa wan lon tenpo ale" | jan Se Naki | jan Se Poman en jan Ma Kupa-Son | suno #28 pi mun #7 pi sike #2021 | 2,70,00,00 |
| mute tu | luka luka wan | "sona pi ma lili pi ma Inli" | jan Se Naki | jan Se Poman en jan Ma Kupa-Son | suno #13 pi mun #9 pi sike #2021 | 5,80,00,00 |
kulupu nanpa tu tu
[o ante | o ante e toki ilo]| nanpa tawa ale | nanpa lon kulupu ona | nimi | jan pi lawa ona | jan sitelen pi toki ona | tenpo kama | jan lukin |
|---|---|---|---|---|---|---|
| mute tu wan | wan | "tan seme la poka lete li sewi lon lipu ma?" | jan Se Naki | jan Se Poman en jan Ma Kupa-Son | suno #10 pi mun #7 pi sike #2023 | 3,40,00,00 |
| mute tu tu | tu | "ma tomo suli pi ma Juke li nasa tan ni:" | jan Se Naki | jan Se Poman en jan Ma Kupa-Son | suno #28 pi mun #8 pi sike #2023 | 4,10,00,00 |
| mute luka | tu wan | "linluwi li utala e telo suli: mi ale li wile e linja ni, taso mi ale li toki ala lon ona" | jan Se Naki | jan Se Poman en jan Ma Kupa-Son | suno #29 pi mun #9 pi sike #2023 | 3,00,00,00 |
| mute luka wan | tu tu | "sina sona ala e sitelen lili ma pi lon pini pi linja tawa linluwi pi kepeken nanpa wan" | jan Se Naki | jan Se Poman en jan Ma Kupa-Son | suno #6 pi mun #12 pi sike #2023 | 2,70,00,00 |
| mute luka tu | luka | "ma telo powe lon lipu ma pi ilo Kuko" | jan Se Naki | jan Se Poman en jan Ma Kupa-Son | suno #24 pi mun #4 pi sike #2024 | 2,70,00,00 |
| mute luka tu wan | luka wan | "nanpa pi ma ale li 195 ala" | jan Se Naki | jan Se Poman en jan Ma Kupa-Son | suno #23 pi mun #6 pi sike #2024 | 3,20,00,00 |
| mute luka tu tu | luka tu | "lipu ma ike li nanpa wan lon utala wile pi jan lawa - sona pi kipisi nasa pi lipu ma" | jan Se Naki | jan Se Poman en jan Ma Kupa-Son | suno #31 pi mun #8 pi sike #2024 | 2,00,00,00 |
| mute luka luka | luka tu wan | "mije pi lipu ma li musi Sijokese" | sona ala | jan Se Poman en jan Ma Kupa-Son | suno #13 pi mun #10 pi sike #2024 | 1,90,00,00 |
kulupu nanpa luka
[o ante | o ante e toki ilo]| nanpa tawa ale | nanpa lon kulupu ona | nimi | jan pi lawa ona | jan sitelen pi toki ona | tenpo kama | jan lukin |
|---|---|---|---|---|---|---|
| mute luka luka wan | wan | "mi tu li toki tawa jan pali nanpa wan pi lipu ma pi ma Piten suli" (sitelen tawa lili) | sona ala | sona ala | suno #23 pi mun #6 pi sike #2025 | 1,80,00,00 |
| mute luka luka tu | tu | "kulupu pi lipu ma pi ma Piten suli li toki e ni tawa mi: sina ken ante e lipu pi ma Piten suli" (sitelen tawa lili) | sona ala | sona ala | suno #30 pi mun #6 pi sike #2025 | 1,40,00,00 |
| mute luka luka tu wan | tu wan | "ma tomo sama: seme li pakala?" | sona ala | sona ala | suno #15 pi mun #9 pi sike #2025 | 1,20,00,00 |
| mute luka luka tu tu | tu tu | "17 tan 100 pi ma ni li powe" | sona ala | jan Se Poman en jan Ma Kupa-Son | suno #16 pi mun #10 pi sike #2025 | 1,80,00,00 |
| mute luka luka luka | luka | "jan li toki ala lon nasin ni pi kipisi pi ma Inli" | sona ala | jan Se Poman en jan Ma Kupa-Son | suno #8 pi mun #12 pi sike #2025 | 1,40,00,00 (lon tenpo ni) |
mije pi lipu ma lon utala musi
[o ante | o ante e toki ilo]| tenpo sike | utala | kipisi | kama | tan |
|---|---|---|---|---|
| 2021 | utala nanpa 11 pi ilo Jutu | kama sona en pana sona | lon | [7] |
| 2024 | utala nanpa wan pi sitelen pi ilo Towin lon ma Juke lon ma Ele | sitelen tawa nanpa wan lon tenpo sike | nanpa wan | [8] |
lipu tan
[o ante | o ante e toki ilo]- 1 2 3 4 5 jan Nasija Komami: "Britons go map-crazy, with geographical games and books becoming bestsellers". tan lipu Kasijan. nanpa ISSN 0261-3077. suno #31 pi mun #10 pi sike #2023 (lon toki Inli)
- 1 2 3 4 5 6 jan Len Kijo: "'Horrible Geography' jokers the Map Men chart out a path to fame". tan lipu pi suno pali nanpa wan pi ma Juke (ni li wile e mani.). nanpa ISSN 0140-0460. suno #15 pi mun #10 pi sike #2023. (lon toki Inli)
- 1 2 3 4 5 6 7 jan Kesi Peson: "Map Men: where comedy meets geography". tan lipu pi sona ma. suno #22 pi mun #11 pi sike #2023. (lon toki Inli)
- ↑ ilo Jutu: MAP MEN (kulupu pi sitelen tawa ona)
- ↑ jan Se Poman: "Mark Cooper-Jones an…". tan lipu Wesi. suno #12 pi mun #9 pi sike #2021. (lon toki Inli)
- 1 2 jan Ki Pi: "Map Men: teaching geography through comedy". tan lipu pi sona ma. suno #9 pi mun #8 pi suno #2016. (lon toki Inli)
- 1 2 "11th Annual Streamy Nominees". tan kulupu pi utala pi ilo Jutu. (lon toki Inli)
- 1 2 jan Jamin Lupo: "Social media stars crowned in first UK and Ireland TikTok awards". tan kulupu pi pana sitelen pi ma Juke. suno #3 pi mun #12 pi sike #2024. (lon toki Inli)