nasin mama awen

sitelen pi nasin mama awen lon sona pi ijo wile.

nasin mama awen li nasin mama ni pi ijo wile: ona li wile mama e ijo wile ni sin la, ona li kama jo e linja mama, li kama tawa sike mama open ona. sike ni li lon insa ona. sike li kama jo e linja ni lon tenpo pona la, ona li wile kama sike mama sin, li wile kama sijelo pi ijo wile ni sin. ona li awen e sijelo ni lon tenpo suli. ni li pini la, ona li wile kama ijo wile ni sin.

nasin mama

jan en soweli en waso en kala en akesi en pipi en kasi en ijo ante li ken jo e nasin mama awen. nasin mama pana li ante. kin la, nasin mama meso li lon.

ijo wile pi nasin mama awen li ken kama e ijo wile ni sin kepeken nasin ante mute ni:

• soweli la: ona li kama jo e linja mama tan ijo wile pi nasin mama pana, tawa lupa mama ona. ona li wile jo e sijelo pi soweli lili lon insa ona. ni la, ona li kama suli. tenpo kama la, soweli lili li wile kama weka tan insa, li kama lon.
• tenpo ante la, ona li pana e sike mama. tenpo kama la, ijo lili ona li pakala e sike mama, li kama lon tan ona.

soweli la, nena sijelo sinpin li pana e telo mama tawa soweli lili. telo ni li wawa, li pona, li suli e ijo lon lili.

jan

sijelo jan

tenpo mute la, sijelo jan pi nasin mama awen li jo e lupa anpa pi ken mama, e nena sijelo sinpin tu, e kalama uta suwi.

ona mute li ken kama e jan sin tan insa pi sijelo ona kepeken nasin mama ona. taso, ona li lili anu majuna^[nimi] la, ona li ken ala.

kala

selo la, kala mute pi nasin mama awen li sama ona pi nasin mama pana.

waso

waso pi nasin mama awen li ken lili li ken kule mute ala.

• 
  sitelen ni la waso pi nasin mama awen li lon sewi. waso pi nasin mama pana li lon anpa.
• 
  waso pi nasin mama awen li jo e kule lili. waso pi nasin mama pana li jo e kule mute li suli lukin.
• 
  waso pi nasin pana li jo e kule mute. waso pi nasin awen li jo e kule lili.

pipi

pipi pi nasin mama awen en pipi pi nasin mama pana li ken ante tawa lukin.

• 
  pipi pi nasin mama awen li walo.
• 
  pipi pi nasin mama pana li walo li jelo.