anрa sewi
| anpa sewi
Sonja Amatullah Lang | |
|---|---|
| ma | ma Kanata |
| toki | toki Alapi, toki Kantun, toki Netelan, toki Malasija, toki Kanse, toki Inli, toki Epelanto, toki Epanja, toki Tosi, toki pona |
| pali | sona toki |
| jan li sona e ona tan ni: | ona li pali e toki pona |
| kama lon | ma Nupansuwi lon ma Kanata |
anpa sewi (toki Alapi la: Amatullah, "jan anpa pi mama sewi, anpa sewi") anu anpa Ama anu mama toki li sona toki li pali pi ante toki tan ma Kanata li mama pi toki pona. tenpo pini la nimi ona pi toki mama ona li Sonja Elen Kisa. tenpo ni la, ona li ante tawa Sonja Amatullah Lang. ona li sitelen e lipu pu e lipu ku e lipu su e nimi ali pu n a e lipu u. toki pi mama meli ona li toki Kanse. toki pi mama mije li toki Inli. ona li pali li awen e lipu pi toki pona. ona li lon nasin sewi Pawa.[1]
tenpo pini
[o ante | o ante e toki ilo]mama Sonja li kama lon lon ma tomo Monton (Moncton) lon ma Nupansuwi lon ma Kanata.[2] kulupu mama ona li toki kepeken toki tu. ona li kama sona e toki tu tu wan. ona li toki Alapi li toki Epelanto li toki Kantun li toki Netelan li toki Tosi.[2] ona li ken toki e toki luka: ona luka li toki Kanse pi ma Kanata li toki Malasija li toki Epelanto li toki Tosi li toki Inli.
mama pi toki pona
[o ante | o ante e toki ilo]tenpo sike nanpa 2001 la ona li pilin ike mute li open pali e toki pona tan ni: ona li wile pona e pilin ona. tenpo sike ni la ona li pana e toki tawa lipu ilo. nasin Sapi-Wa (Sapir-Whorf hypothesis) la jan li kama sona e toki pona la pilin ona li kama pona.[3]
mama Sonja li mama pi toki pona. taso, ona li lawa ala e ona. jan ante li pali e ijo mute pi toki pona.
lipu
[o ante | o ante e toki ilo]- lipu pu (tenpo sike nanpa 2014)
- lipu ku (tenpo sike nanpa 2022)
- lipu su (open lon tenpo sike nanpa 2024)
- nimi ali pu n a (tenpo sike nanpa 2025)
- lipu u (tenpo sike nanpa 2026)
tenpo kama
[o ante | o ante e toki ilo]- lipu pu sin (ken la, tenpo sike nanpa 2026)[4]
tan sona
[o ante | o ante e toki ilo]- ↑ toki pona:--a small world language.--Strengths of Esperanto and Toki Pona--Leadership’s response to change.--Toki Pona--Personal views.(toki Inli)
- 1 2 "3-60 Toki Pona" en.tokipona.org. tan tenpo 2009-11-15. awen pi lipu ni lon tenpo 2009-11-15.
- ↑ "What is a Language?". Canada Institute of Linguistics. tan tenpo 2018-03-08. awen pi lipu ni lon tenpo 2018-03-08.
- ↑