ma Sijate
| ma tomo Sijate
Seattle | |
|---|---|
| ma tomo | |
 | |
 sitelen lawa | |
 | |
| ma suli | ma Mewika ma Wasinton kipisi ma Kin |
| tenpo open | sike suno nanpa 1851 |
ma tomo Sijate li ma tomo suli lon kipisi ma Kin (toki Inli: King County) lon ma Wasinton lon ma Mewika. ma tomo pi ma Wasinton la ma tomo Sijate li suli nanpa wan. jan li sona e ma tomo Sijate tan ni: ona li jo e kalama musi e esun ilo.tomo sona suli pi ma Wasinton en tomo sona suli pi ma tomo Sijate lon ma tomo Sijate. kulupu musi Seka en kulupu musi Mawene lon ma tomo Sijate kin.
tenpo pini
[o ante | o ante e toki ilo]kulupu Tuwaja (toki Inli: the Duwamish Tribe) li kulupu nanpa wan pi ma tomo Sijate. tenpo pini pi ma tomo Sijate la jan Sija li jan lawa pi kulupu Tuwaja. nimi Sijate tan jan Sija.
tenpo sike nanpa 1851 la jan pali tomo li tawa lon ma ni li pali e ma tomo sin. ma tomo ni li ma tomo Sijate.
tenpo sike nanpa 1919 la jan pali li pali e utala pali suli pi ma tomo Sijate.
tenpo sike nanpa 1999 la jan lon ma tomo ni li utala e kulupu esun pi ma ale.
tenpo sike nanpa 2020 la jan lon ma tomo ni li utala e jan awen lawa. ni la tenpo lili la jan li pali e ma Ka lon ma tomo Sijate.
kipisi pi ma tomo
[o ante | o ante e toki ilo]kipisi ma tomo Pala en kipisi ma Pemon en kipisi ma tomo Kapitoji en kipisi ma tomo Kinaton en kipisi ma tomo Kinle en kipisi ma tomo Peton en kipisi ma tomo Kinan lon ma tomo Sijate.