ma tomo Sijata

ma tomo Sijata Seattle (toki Inli) dᶻidᶻəlal̕ič (toki Kasusi)
ma tomo
sitelen lawa
ma suli	ma Mewika ma Wasintan ma Kin
mute jan	jan 737,015
jan lawa	jan Kesi Wisan
tenpo open	tenpo sike nanpa 1851
lipu ilo	seattle.gov

ma tomo Sijata (toki Inli: Seattle /siˈætəl/) anu ma tomo Sisalali (toki Kasusi: dᶻidᶻəlal̕ič d͡zid͡zəlɑl̰it͡ʃ) li ma tomo suli lon ma Kin lon ma Wasintan lon ma Mewika. ma tomo pi ma Wasintan la ma tomo Sijata li suli nanpa wan. jan li sona e ma tomo Sijata tan kalama musi ona tan esun ilo ona. tomo sona suli pi ma Wasintan en tomo sona suli pi ma Sijata en kulupu musi Seka en kulupu musi Mawene li lon ma tomo Sijata.

tenpo pini

kulupu Tuwasa (toki Kasusi: dxʷdəwʔabš /dxʷdəwʔɑbʃ/) li kulupu nanpa wan pi ma tomo Sijata. tenpo pini la jan Sija li jan lawa pi kulupu Tuwasa. nimi "Sijata" li tan jan Sija.

tenpo sike nanpa 1851 la jan pali tomo li tawa lon ma ni li pali e ma tomo sin. ma tomo ni li ma tomo Sijata.

tenpo sike nanpa 1919 la jan pali li utala pali suli pi ma tomo Sijata.

tenpo sike nanpa 1999 la jan pi ma ni li utala e kulupu esun pi ma ale.

tenpo sike nanpa 2020 la jan pi ma ni li utala e jan awen lawa. ni la tenpo lili la jan li pali e ma Ka lon ma tomo Sijata.

sijelo ma

nasin ma pi pini suno la ma tomo Sijata li lon poka pi telo suli Puse. telo ni li tan telo suli Pasipi. poka ante la telo suli Wasintan li lon. nasin pi pini suno la ma palisa Kisa en kulupu nena Olinpi li lon. nasin pi open suno la ma tomo ante en telo suli Samami en kulupu nena Kase li lon.

nena mute li lon ma tomo Sijata. sama ma tomo Loma la jan li pilin e ni: ma tomo li lon nena luka tu.

ma tomo Sijata li lon sike seli pi telo suli Pasipi. tenpo kama la ma tawa Kasikelija li pali e tawa ma suli li pakala e ijo mute.

kon

ma tomo Sijata la tenpo lete li jo e telo mute. tenpo seli li jo ala e telo.

kipisi pi ma tomo

ma Pala en ma Piman en ma Kapitoli en ma Sanatan en ma Kinle en ma Petan en ma Kinan li lon ma tomo Sijata.