ma tomo Nujo

ma tomo Nujo New York
ma tomo
len ma	sitelen lawa
ma suli	ma Mewika ma lili Nujo
mute jan	8,804,190
jan lawa	jan Sowan Mantani
tenpo	UTC-5:00
lipu ilo	NYC.gov

ma tomo Nujo anu ma tomo Enwasi (toki Inli: New York City, NYC, "tomo sin pi ma Jo") li ma tomo suli lon ma Mewika. ma Mewika la ona li ma tomo pi suli nanpa wan. jan pi ma tomo Nujo li lon poka mute. tomo suli palisa pi jan mute li lon ma tomo Nujo. ona li lon ma Nujo. tenpo sike 2020 la jan 8,804,190 li lon ona.

nimi

nimi Nujo li tan jan lawa pi ma tomo Jo (toki Inli: Duke of York).

ma

ma kipisi luka li lon ma tomo Nujo. ona li ma kipisi Panka (toki Inli: the Bronx) li ma kipisi Kinsi (toki Inli: Queens) li ma kipisi Pukilin (toki Inli: Brooklyn) li ma kipisi Menetan (toki Inli: Manhattan) li ma kipisi telo Seten (toki Inli: Staten Island). suli ma la ma kipisi Kinsi li suli nanpa wan. mute jan la ma kipisi Panka li nanpa wan. ma kipisi Manatan li mani mute.

ma tomo Nuji li telo kipisi. nasin telo Asan (toki Inli: Hudson River) en nasin telo pi suno open (toki Inli: East River) li lon ma tomo Nujo. kin telo suli pi ma telo suli (toki Inli: Long Island Sound) en telo suli sewi (toki Inli: Upper Bay) en telo suli anpa (toki Inli: Lower Bay) en telo suli Sameka (toki Inli: Jamaica Bay) li lon poka ma tomo Nujo. ma tomo Nujo jo mute ma telo kin, ma telo suli li ma telo Manatan (toki Inli: Manhattan) en ma telo Seten (toki Inli: Staten Island) en ma telo suli (toki Inli: Long Island). ma telo lili pi ma tomo Nujo li ma telo Kowena (toki Inli: Governor's Island) en ma telo Losewe (toki Inli: Roosevelt Island) en ma telo Eli (toki Inli: Ellis Island) en ma telo ken (toki Inli: Liberty Island).

tenpo pini

tenpo pini mute la kulupu mute li lon. ona li tan ma ni. ona li tan kulupu Akonkin. jan mute tan ma Elopa li kama. jan tan ma Netelan li kama lawa e ma tomo Nujo. nimi pi ma tomo Nujo li ma tomo Nuwanpatan. jan tan ma Inli li kama jo e lawa tan jan Netelan li ante e nimi.

jan mute li kama tawa ma Mewika tan ma Elopa. ona li kama sin tawa ma telo Eli^(?) lon poka pi ma tomo Nujo. tan ni la ma telo Eli li suli tawa jan mute pi ma Mewika.

tenpo sike nanpa 1886 la ma Kanse pana tawa ma Mewika e sitelen kiwen pi ken. ona li pana lon ma telo pi ken lon ma tomo Nujo. sitelen kiwen ni kama sona mute tawa jan mute pi ma ale.

tenpo suno nanpa 11 pi tenpo mun nanpa 9 pi tenpo sike nanpa 2001 la tomo tawa waso tu kama li lawa pi kulupu jan monsuta. kulupu ni li utala e li pakala e tomo suli tu (toki Inli: Twin Towers) pi insa esun ma (toki Inli: World Trade Center) kepeken tomo tawa ni. jan mute li moli kin tenpo ni tomo suli ni li ala.