ma tomo Minsen
| ma tomo Minsen
München | |
|---|---|
| ma tomo | |
 | |
.svg) .svg) len ma |
 sitelen lawa |
_in_Germany.svg) | |
| ma tomo Minsen lon ma Tosi | |
| ma suli | ma Tosi |
| jan lawa | jan Tejete Lite |
| mani | mani Elo |
| tenpo | UTC+1 |
| lipu ilo | http://www.muenchen.de |
ma tomo Minsen (toki Tosi la: München, toki Pajan la: Minga) li ma tomo lon ma Tosi. ona li ma tomo lawa pi ma Pajan.
tenpo sike 2024 la, kulupu Mercer li toki e ni: ma tomo Minsen li ma tomo nanpa luka luka wan pi awen pona. ona li jo e jan ike pi mute ala.[1]
tenpo musi lon ma tomo Minsen
[o ante | o ante e toki ilo]jan li lon ma tomo Minsen la, ona li ken lukin li ken pilin e ijo mute ni:
ma kasi Inli
[o ante | o ante e toki ilo]ma kasi Inli (toki Tosi la: Englischer Garten) li ma kasi lon insa pi ma tomo Minsen. ma kasi ante la, ona li suli a (3,76 km²).[2] jan li ken musi mute lon ma kasi Inli.
- tomo sewi Sonko (toki Tosi la: Chinesischer Turm) li lon. tenpo wan lon tenpo sike la jan li tawa musi tan tenpo musi pi jan pali moku (toki Tosi la: Kocherlball)[3]
- nasin telo Asipa (toki Tosi la: Eisbach) li jo e nena telo la, jan li tawa supa lon ona.
- ma pi kasi lili la, jan li ken musi kepeken sike li ken lape e sijelo ona lon suno
- jan li ken tawa insa telo
tenpo musi pi tenpo mun luka luka
[o ante | o ante e toki ilo]tenpo musi pi tenpo mun luka luka (toki Tosi la: Oktoberfest) anu tenpo musi Wisen (toki Pajan la: Wiesn) li tenpo musi pi ma tomo Minsen. tenpo musi ale pi ma tomo la, ona li suli nanpa wan. tenpo musi ni la, jan li moku e telo nasa pan mute lon tomo len suli. kin la, jan li ken tawa kepeken nasin tawa sike musi.[4]
ma Olinpija
[o ante | o ante e toki ilo]ma Olinpija (toki Tosi la: Olympiapark) li ma lon insa pi ma tomo Minsen. jan li pali e ona lon tenpo sike 1972 (LLLTTAMMMLLT) tan musi utala Olinpi.[5] tomo pi utala musi sijelo li lon insa ona. kin la, telo suli li lon.
tomo sona Tosi
[o ante | o ante e toki ilo]tomo sona Tosi (toki Tosi la: Deutsches Museum) li pana lukin e nasin sona e ilo mute. ona li open lon tenpo sike 1903 (LLLTTATW).[6]
ilo kalama musi lon tomo pi kulupu lawa
[o ante | o ante e toki ilo]tomo pi kulupu lawa li jo e ilo kalama lon sinpin ona. tenpo tu lon tenpo suno la ilo ni li kalama musi. sijelo ilo li tawa sike lon ona li pana lukin e tenpo pini pi ma tomo Minsen. jan mute li lukin e ni.[7]
lukin e musi sijelo
[o ante | o ante e toki ilo]jan li ken lukin e utala pi musi sijelo mute lon ma tomo Minsen:
- kulupu Pajan Minsen (toki Tosi la: Bayern München) pi musi pi sike noka
- kulupu 1860 Minsen pi musi sijelo
- kulupu EHC Red Bull München pi musi palisa sike lon kiwen lete
- kulupu Pajan Minsen (toki Tosi la: Bayern München) pi musi pi sike poki
- kulupu ante mute li lon
tan sona
[o ante | o ante e toki ilo]- ↑ Quality of Living City ranking 2024. Quality of Living City Ranking 2024. (n.d.). https://www.mercer.com/insights/total-rewards/talent-mobility-insights/quality-of-living-city-ranking/
- ↑ Bayerische Verwaltung der staatlichen Schlösser. (n.d.). Englischer Garten. https://www.schloesser.bayern.de/deutsch/garten/objekte/mu_engl.htm
- ↑ Muenchen.de. (2024, July 21). Tanzt mit beim Kocherlball. muenchen.de. https://www.muenchen.de/veranstaltungen/freizeit/brauchtum/kocherlball-2024
- ↑ Oktoberfest.de. (2024, September 18). Die geschichte des oktoberfests. https://www.oktoberfest.de/magazin/tradition/die-geschichte-des-oktoberfests
- ↑ Matthias Hell: München ’72. Olympia-Architektur damals und heute. Gespräche mit prominenten Zeitzeugen und Akteuren. MünchenVerlag, München 2012. ISBN 978-3-937090-63-4
- ↑ Museumsgeschichte - Von der Gründung bis zum großen Umbau. Deutsches Museum. (n.d.). https://www.deutsches-museum.de/museumsinsel/ausstellung/museumsgeschichte#c6127
- ↑ _Glockenspiel am Marienplatz - Marienplatz - Das Münchner Herz!_. Marienplatz. (2023, November 2). https://marienplatz.de/sehenswuerdigkeiten/glockenspiel/