ma tomo Munpa
| ma tomo Munpa
मुंबई | |
|---|---|
| ma tomo | |
 | |
 sitelen lawa | |
 | |
| ma suli | ma Palata |
| toki lawa | toki Malasi |
| lipu ilo | https://mumbaicity.gov.in/ |
ma tomo Munpa (toki Malasi la: मुंबई, sitelen Lasina la: Muṃbaī /mumbəi/) anu ma tomo Ponpe (toki Inli la: Bombay) li ma tomo suli lon ma Palata. ona li ma tomo lawa pi ma lili Majalasa. pali nanpa jan pi kulupu lawa pi ma Palata la, ma tomo Munpa li ma tomo nanpa wan lon nanpa jan lon ma Palata lon tenpo sike nanpa 2011.[1] taso tenpo sike nanpa 2018 la, kulupu pi ma mute wan li toki e ni: ona li ma tomo suli nanpa wan lon nanpa jan.[2] ma tomo Munpa li suli mute tawa esun tawa musi pi ma Palata.
tenpo pini mute la, kulupu jan Koli li lon e kulupu pi ma sike telo li kama mama e ma tomo Munpa. ma ni kama suli tawa jan lawa tan ma poka. tenpo pi lanpan ma la, ma tomo Munpa li kama e ma tomo suli pi telo esun. ma tomo li kama e ma pi pali ilo mute. tenpo sike nanpa 1845, ma sike telo ona li kama wan tan pali ma tan telo.
nimi ma
[o ante | o ante e toki ilo]toki Malasi la nimi ona li tan nimi pi jan sewi Mun (मुंब) pi nasin sewi Intu, ona li awen e jan pi alasa kala li sijelo wan pi jan sewi Pawasi[3].
tan sona
[o ante | o ante e toki ilo]- ↑ https://web.archive.org/web/20120507135928/http://www.censusindia.gov.in/2011-prov-results/paper2/data_files/India2/Table_2_PR_Cities_1Lakh_and_Above.pdf
- ↑ https://www.un.org/en/events/citiesday/assets/pdf/the_worlds_cities_in_2018_data_booklet.pdf
- ↑ jan Samiju Sepa (toki Inli la: Samuel Sheppard) li toki e ni lon kipisi #104-105 lon nimi ma pi ma tomo Munpa en nimi nasin pi ma tomo Munpa (toki Inli la: Bombay Place-Names and Street-Names) tan kulupu pana pi ijo sin lon ma tomo Munpa (toki Inli la: Bombay, Times Press) lon tenpo 1917.