ma tomo Loma
| ma tomo Loma
Roma | |
|---|---|
| ma tomo lawa | |
 | |
 len ma |
 sitelen lawa |
| ma suli | ma Italija ma lili Lasijo |
ma tomo Loma (toki Italija la: Roma) li ma tomo lawa pi ma Italija. mute jan la, ona li suli nanpa wan lon ma Italija. nimi ante la ona li "ma tomo pi tenpo ale" (toki Lasina la: Urbs Aeterna).
tenpo pini
[o ante | o ante e toki ilo]tenpo pini suli la, ma Loma li open lon ma tomo ni. jan pi ma mute li kama tawa ona. tenpo mute la ma Loma li wawa mute. taso ma li kama wawa ala. tenpo sike nanpa 496 la jan Otowase (Odoacer) li kama lawa li weka e lawa pi ma Loma tan ma tomo Loma.
jan mute pi ma mute li lawa e ma tomo Loma. jan lawa sewi pi nasin sewi Katolika li kama suli. ona li pana e mani mute tawa pali pi sitelen musi. ni la ma Loma li kama suli mute tawa musi pi ma Elopa. jan mute li pali e sitelen kule e tomo e kiwen musi e ijo ante.
tenpo sike nanpa 1861 la ma Italija li kama lon. tenpo sike nanpa 1871 la ma tomo Loma li kama ma lawa ona. ona li awen ni tawa tenpo lon.
sona ma
[o ante | o ante e toki ilo]ma tomo Loma li lon poka ale pi ma Wasikano. ona li lon poka pi linja telo Tewele. nasin telo ni li pini lon telo suli Mesitewane. ona li lon nena ma lili luka tu.