ma tomo Jelewan

ijo suli pi ma tomo Jelewan

ma tomo Jelewan (toki Aja la Երևան [jɛɾɛˈvɑn]) li ma tomo lawa pi ma Aja li ma tomo pi suli nanpa wan lon ma Aja.

ma tomo Jelewan li jo e tenpo sike mute mute. tenpo sike 782 pi jan Jesu ala la jan lawa Akisi pi ma Ulatu li pali e ma tomo ni.

tenpo seli lon ma ni li ken seli mute. tenpo mun tu tu la kon li seli li jo e telo lili. tenpo sike ale la suno li mute. tenpo lete la kon li lete. tenpo sike wan la ma tomo li jo e telo kiwen lete mute. tenpo sike ante la ma tomo li jo ala.

ma tomo Jelewan li jo e ma tomo lili luka luka tu. tenpo pi ma Sesesele la tomo mute li pakala. tomo mute ante li kama lon. tenpo ni la tomo pi mute lili li sin ala. tomo pi nasin sewi li sin ala. ma tomo lili Konte li sin ala.

tomo mute li kepeken e kiwen pi kule loje walo. kiwen ni li tan nena seli li jo e nimi kiwen Tupe. tomo li jo e kiwen Tupe la ma tomo Jelewan li jo e nimi ni: ma tomo pi kule loje walo.