ma tomo Itanpu

ma Itanpu İstanbul
ma tomo
ma suli	ma Tuki
ma lili	ma Mamala
toki lawa	toki Tuki
tenpo	UTC+3
ISO 3166	TR-34
lipu ilo	https://ibb.istanbul/ http://www.istanbul.gov.tr/

mute jan la, ma Itanpu (İstanbul) li ma tomo pi suli nanpa wan lon ma Tuki. ona li ma tomo pi suli nanpa wan lon ma Elopa kin. ona li lon ma suli tu: ma Elopa en ma Asija. tenpo pini la, ona li ma tomo lawa pi ma Osuman. tenpo sike 1923 la, ma tomo Ankala li kama ma tomo lawa.

tenpo pini pi ma tomo Itanpu li suli mute.

tomo Ajasopija^(?) li tomo suli pi nasin sewi lon ma tomo Itanpu.

nimi

nimi open pi ma tomo ni li ma tomo Pisansijon (Buzantion / Βυζάντιον). jan Pisasi^(?) li jan lawa nanpa wan pi ma tomo Pisansijon, li pali e ona. tenpo sike 324 la, jan Kontansin suli li ante e nimi tawa ma tomo Kontansinopoli (Konstantinoupolis / Κωνσταντινούπολις). tenpo sike 1453 la, ma Osuman li kama lawa e ona. lawa ma sin pi ma Tuki li kama la, nimi lawa ona li ante tawa ma tomo Itanpu.