ma suli Monko
| ma suli Monko
ᠶᠡᠬᠡ ᠮᠣᠩᠭᠣᠯ ᠤᠯᠤᠰ | |
|---|---|
 | |
| ma suli Monko lon tawa tenpo | |
| ma tomo lawa | ma Awaka (tan tenpo sike 1206 tawa tenpo sike 1235)
ma Kalakolun (tan tenpo sike 1235 tawa tenpo sike 1271) |
| ma suli | ma Elasija |
| toki lawa | toki Monko, kulupu toki Tuki, toki Sonko, toki Pasi, toki ante |
| tenpo open | sike suno nanpa 1206 |
| tenpo pini | sike suno nanpa 1294 |
ma suli Monko (toki Monko la: ᠶᠡᠬᠡ ᠮᠣᠩᠭᠣᠯ ᠤᠯᠤᠰ) li ma lawa suli pi tenpo pini lon ma Elasija. tenpo pini la ona li ma lawa pi suli nanpa wan tawa ma ale. lon suli nanpa wan ona la ona li lawa tan ma lon poka telo suli Nijon tawa ma Elopa pi open suno.
ona li open tan kama wan pi kulupu Monko tawa lawa pi jan Sinki Kan. lawa kulupu li toki e ni lon suno sike nanpa 1206: jan Sinki Kan li lawa tawa jan Monko ale. jan lili pi jan Sinki Kan li kama anpa e ma poka, li suli e ma. tan suli pi ma ni la sona en esun en ijo lon ma Elasija li kama esun suli insa ona.
jan lili mute pi jan Sinki Kan li wile lawa tan moli ona, taso lawa pi ante lawa li pona ala. tan ni la jan lili mute pi jan Sinki Kan li utala tawa lawa ma. ma suli li lon tenpo lili, li kama kipisi lon tenpo lili.