kipisi pi ma Italija

ma Italija li jo e kipisi mute. ona li nasin ante mute.

kipisi suli

kipisi suli (toki Italija la: regioni) li nasin tu. wan la, kipisi pi namako ala (toki Italija la: regioni a statuto ordinario), ante la, kipisi namako (toki Italija la: regioni a statuto speciale). kipisi LLL pi namako ala li lon, kipisi namako L li lon. ale la, kipisi suli mute li lon.

nasin ISO la, nanpa nimi pi kipisi suli li jo e nanpa tu. nanpa nimi nanpa wan li nasin ni: nanpa 2 en nanpa 3 en nanpa 4 li lon ma Italija lete, nanpa 5 li lon ma Italija meso, nanpa 6 en nanpa 7 li lon ma Italija seli, nanpa 8 li lon ma telo.

nasin ISO	nimi pi toki pona	nimi pi toki Italija	nimi pi toki lawa ante	ma tomo lawa	namako
65	Apuso	Abruzzo		ma tomo Lakuwila
77	Pasilikata	Basilicata		ma tomo Potensa
78	Kalapija	Calabria		ma tomo Katansalo
72	Kanpanja	Campania		ma tomo Napoli
45	Emilija Lomanja	Emilia-Romagna		ma tomo Polonja
36	Pijuli Wenesija Sulija	Friuli Venezia Giulia		ma tomo Silete	namako
62	Lasijo	Lazio		ma tomo Loma
42	Likulija	Liguria		ma tomo Senowa
25	Lonpasija	Lombardia		ma tomo Milano
57	Make	Marche		ma tomo Ankona
67	Molise	Molise		ma tomo Kanpopaso
21	Pijemonte	Piemonte		ma tomo Tolino
75	Puja	Puglia		ma tomo Pali
88	Satenja	Sardegna	Sardigna	ma tomo Kajali	namako
82	Sisilija	Sicilia		ma tomo Palemo	namako
52	Tokana	Toscana		ma tomo Pilense
32	Tensino Ato Asite	Trentino-Alto Adige	Trentino-Südtirol	ma tomo Tento	namako
55	Unpija	Umbria		ma tomo Pelusa
23	Waletasota	Valle d'Aosta	Val d'Aoste	ma tomo Asota	namako
34	Weneto	Veneto		ma tomo Wenesija

lipu lawa la, kipisi suli li jo e ken. kipisi suli pi namako ala la, kipisi li jo e ken ni taso: lipu lawa pi ma Italija li toki ala e ijo la, lipu lawa pi kipisi suli li ken toki e ona, taso kipisi suli li ken ala weka e wile pi ma Italija. kipisi suli namako li ken weka e wile pi ma Italija. kipisi suli li namako tan ni: ona li jo e toki ante, e nasin ante, e wile ante tawa ma Italija ale.

kipisi lili

kipisi lili li nasin mute. nasin ante li jo e nimi ante.

nasin Powinsa (provincia) la kipisi MMMM;
nasin Powinsa namako (provincia autonoma) la kipisi T lon kipisi suli Tensino Ato Asite taso;

ma tomo suli pi jan mute (città metropolitana) la kipisi LLTT;

kipisi pi mute lawa (ente di decentramento regionale) la kipisi TT lon kipisi suli Pijuli Wenesija Sulija taso;

kulupu ken pi ma tomo (libero consorzio comunale) la kipisi LW lon kipisi suli Sisilija taso;

kipisi suli Waletasota taso la, kipisi lili li lon ala. ken en pali la, kipisi suli Waletasota li sama kipisi lili kin. kipisi lili tu pi kipisi suli wan Tensino Ato Asite li pali sama kipisi suli tu.

kipisi lili mute la, nimi ona li sama nimi pi ma tomo lawa ona. taso, nimi ni pi kipisi lili li lon: kipisi lili taso li jo e nimi ni. tenpo ni la, kipisi wan taso pi nasin ni li lon, ona li kipisi Susatenja, ma tomo lawa ona li ma tomo Kaponja. taso, tenpo pini la, kipisi lili Mesijo Kanpitano li lon, ma tomo Sanluli en ma tomo Wilasito li ma tomo lawa ona. tenpo kama la, kipisi Susatenja li pini lon, kipisi Mesijo Kanpitano en kipisi Sulisi Ikesijente li kama lon. kipisi Sulisi Ikesijente kin li nasin ni, ma tomo Kaponja en ma tomo Ikesijasa li ma tomo lawa ona.

nasin Powinsa

kipisi lili ni pi nasin Powinsa li lon:

nasin ISO	nimi pi toki pona	nimi pi toki Italija	sitelen lawa	kipisi suli
AL	Alesanlija	Alessandria		21
AN	Ankona	Ancona		57
AO	Asota	Aosta		23
AR	Aleso	Arezzo		52
AP	Akoli Piseno	Ascoli-Piceno		57
AT	Asi	Asti		21
AV	Awelino	Avellino		72
BT	Paleta Ansila Tani	Barletta-Andria-Trani		75
BL	Peluno	Belluno		34
BN	Penewento	Benevento		72
BG	Pekamo	Bergamo		25
BI	Pijela	Biella		21
BS	Pesa	Brescia		25
CB	Kanpopaso	Campobasso		67
CE	Kaseta	Caserta		72
CZ	Katansalo	Catanzaro		78
CH	Kijesi	Chieti		65
CO	Komo	Como		25
CS	Kosensa	Cosenza		78
CR	Kemona	Cremona		25
KR	Kotone	Crotone		78
CN	Kunejo	Cuneo		21
FM	Pemo	Fermo		57
FE	Pelala	Ferrara		45
FG	Posa	Foggia		75
FC	Poli Sesena	Forlì-Cesena		45
FR	Posinone	Frosinone		62
GR	Koseto	Grosseto		52
IM	Inpelija	Imperia		42
IS	Isenja	Isernia		67
AQ	Lakuwila	L'Aquila		65
SP	Lapesija	La Spezia		42
LT	Lasina	Latina		62
LE	Lese	Lecce		75
LC	Leko	Lecco		25
LI	Liwono	Livorno		52
LO	Losi	Lodi		25
LU	Luka	Lucca		52
MC	Maselata	Macerata		57
MN	Mantowa	Mantova		25
MS	Masa Kalala	Massa-Carrara		52
MT	Matela	Matera		77
MO	Motena	Modena		45
MB	Monsa Pijansa	Monza e Brianza		25
NO	Nowala	Novara		21
NU	Nukolo	Nuoro		88
OR	Olitano	Oristano		88
PD	Patowa	Padova		34
PR	Pama	Parma		45
PV	Pawija	Pavia		25
PG	Pelusija	Perugia		55
PU	Pesalo Upino	Pesaro e Urbino		57
PE	Pekala	Pescara		65
PC	Pasensa	Piacenza		45
PI	Pisa	Pisa		52
PT	Pitoja	Pistoia		52
PZ	Potensa	Potenza		77
PO	Pato	Prato		52
RA	Lawena	Ravenna		45
RE	Leso Emilija	Reggio Emilia		45
RI	Lijesi	Rieti		62
RN	Limini	Rimini		45
RO	Lowiko	Rovigo		34
SA	Saleno	Salerno		72
SS	Sasali	Sassari		88
SV	Sawona	Savona		42
SI	Sijena	Siena		52
SO	Sonsilo	Sondrio		25
SU	Susatenja	Sud Sardegna	(ala)	88
TA	Talanto	Taranto		75
TE	Telamo	Teramo		65
TR	Tenli	Terni		55
TV	Tewiso	Treviso		34
VA	Walese	Varese		25
VB	Wepano Kusijo Osola	Verbano-Cusio-Ossola		21
VR	Welona	Verona		34
VV	Wipo Walensija	Vibo Valentia		78
VI	Wisensa	Vicenza		34
VT	Witepo	Viterbo		62

kipisi lili pi nasin Powinsa li jo e ken ni:

ona li nasin e sona mani pi jan ona;

ona li nasin e tomo sona;

ona li lon e ni: jan li kepeken wawa ilo lili;

ona li nasin e tomo tawa;

ona li nasin e tomo sona pi nasin pi tomo tawa;

ona li nasin e ni: jan li pona e ni: ilo tawa li pakala;

ona li pana e lipu ni: jan li ken kepeken tomo tawa;

ona li pana e ni tawa jan: jan li pali li kama jo e mani;

ona li ala e ni: jan li pakala e ma;

ona li ala e ni: ijo pona pi tenpo pini li kama pakala;

ona li nasin e ni: jan li weka e jaki tan ma tomo;

ona li kama sona e nanpa pi nasin jan;

ona li ala e ni: jan li ike e jan ante tan nasin sijelo, tan nasin pilin;

ona li wile kama pona tawa kipisi lili ante.

nasin Powinsa namako

nasin ni li lon kipisi suli Tensino Ato Asite (kipisi nanpa 32) taso.

kipisi suli Tensino Ato Asite li jo e kipisi tu ni: ma Tensino en ma Ato Asite. ma ona li sama ma pi kipisi lili tu ni.

ma Ato Asite la, toki Italija en toki Tosi li lon.

nasin ISO	nimi pi toki pona	nimi pi toki ona	nimi ma pi toki pona	nimi ma pi toki ona	sitelen lawa
BZ	Posano, Posen	Bolzano, Bozen	Ato Asite, Sisiko	Alto Adige, Südtirol
TN	Tento	Trento	Tensino	Trentino

ma tomo suli pi jan mute

nasin ISO	nimi pi toki pona	nimi pi toki Italija	kipisi suli
BA	Pali	Bari	75
BO	Polonja	Bologna	45
CA	Kajali	Cagliari	88
CT	Katanja	Catania	82
FI	Pilense	Firenze	52
GE	Senowa	Genova	42
ME	Mesina	Messina	82
MI	Milano	Milano	25
NA	Napoli	Napoli	72
PA	Palemo	Palermo	82
RC	Leso Kalapija	Reggio Calabria	78
RM	Loma	Roma	62
TO	Tolino	Torino	21
VE	Wenesija	Venezia	34

kipisi pi mute lawa

nimi "ente di decentramento regionale" li pana e sona ni: jan wan li ken jo e wawa lawa ale lon kipisi ma suli wan, taso nasin ni li kipisi e wawa li pana e ona tawa kulupu jan mute. ona li lon kipisi suli Pijuli Wenesija Sulija taso.

nasin ISO	nimi pi toki pona	nimi pi toki Italija
GO	Kolisija	Gorizia
PN	Potenone	Pordenone
TS	Sijete	Trieste
UD	Usine	Udine

kulupu ken pi ma tomo

nasin ni li lon kipisi suli Sisilija taso.

nasin ISO	nimi pi toki pona	nimi pi toki Italija
AG	Akisento	Agrigento
CL	Kataniseta	Caltanissetta
EN	Ena	Enna
RG	Lakusa	Ragusa
SR	Silakusa	Siracusa
TP	Tapani	Trapani

ma tomo

kipisi ma lili li jo e kipisi. kipisi ni li ma tomo suli (comune). ma tomo suli MMMLLLTWAMMMMLLLW li lon.

ma tomo suli pi jan pi lili nanpa wan li ma Motelone (Morterone), jan MLLTW li lon ona. ma tomo suli pi jan pi mute nanpa wan li ma Loma (Roma), jan TAMMMLLLAMMAMLLLTT li lon ona.

ma tomo suli kin li jo e kipisi. ma tomo lili li lon, li jo e nimi Frazione lon toki Italija, e nimi Hameau lon toki Kanse, e nimi Fraktion lon toki Tosi, e nimi Frazion lon toki Lasin. ma tomo suli li suli mute la, ona li ken kipisi e wawa lawa, li ken jo e kipisi pi nasin Circoscrizione.