ma Waletasota
| ma Waletasota ma Waleto ma Watuta Valle d'Aosta Vallée d'Aoste Val d'Aoûta | |
|---|---|
| ma kipisi | |
 len ma |
 sitelen lawa |
 | |
| ma tomo lawa | ma tomo Asota |
| ma suli | ma Italija |
| toki lawa | toki Italija toki Kanse |
| toki ante | nasin Watuta pi toki Apitan |
| ISO 3166 | IT-23 |
ma Waletasota (toki Italija la: Valle d'Aosta [ˈvalle daˈɔsta]) anu ma Waleto (toki Kanse la: Vallée d'Aoste [vale dɔst]) anu ma Watuta (toki Apitan la: Val d'Aoûta) li ma kipisi pi ken namako lon ma Italija. ona la, jan li toki Italija li toki Kanse.
suli lipu Kilo Meton la, ona li suli 3263. jan 12'80'00 li lon ona. ma Italija la, ona li ma lili suli pi lili nanpa wan, li jo e jan pi lili nanpa wan.
ma lili suli ante ale pi ma Italija li jo e ma lili lili[1], taso ma Waletasota li jo ala. ona li pini jo e ona lon tenpo sike nanpa 1945. lawa la, ma Waletasota li sama ma lili suli li sama ma lili lili. ma tomo 74 li lon.
jan ale li 100 la, jan 77 li toki Italija, jan 18 li toki Apitan jan 1 li toki Kanse, jan 50 li toki tu wan ni ale.[2]
sijelo ma en nasin kon
[o ante | o ante e toki ilo]nena ma mute li lon. nena ma Monte Panko, en nena ma Monte Losa, en nena ma Kan Palasiso li lon. nena ma Monte panko li suli Meton 4810, li suli nanpa wan lon ma Italija.
kon li lete. ko lete walo li awen kama lon tenpo suli. tenpo pini la, ma pi sewi mute la, telo li awen kiwen lete lon tenpo ale, li ken ala kama telo seli. tenpo poka la, ma ale li kama seli la telo li pini kiwen lon tenpo seli.[3]
moku
[o ante | o ante e toki ilo]jan li pali e moku ko walo tan telo mama. nasin wan pi ma ni li moku Fontina. ona li kiwen ala, li telo ala. pilin uta la, ona li pana ala e pilin seli, taso ona li wawa pi lili ala. ona li suwi ala. jan li pali e moku ni la, ona li weka ala e pipi lili kepeken seli, li kepeken telo pi soweli mani wan taso. tenpo suno wan la, jan li pali e moku ni lon tenpo tu taso.
moku Polenta li ko jelo pi sama telo. jan li pali e ona kepeken ko pan pi telo ala, kepeken telo. ona li kepeken tenpo suli. kon li lete la, jan li moku e ni la ona li seli. jan li ken pali e moku ni kepeken mani lili. jan li moku e ni la ona li moku e soweli kin.
tan sona
[o ante | o ante e toki ilo]- ↑ kulupu lawa pi ma Italija
- ↑ jan R. Decime en jan G Vernetto la, tenpo sike nanpa 2009 la, lipu nanpa 20 pi lipu Le Château la, lipu "Profil de la politique linguistique de la Vallée d'Aoste". ona li kepeken toki Kanse.
- ↑ tenpo sike nanpa 2020 la, lipu Meteoam.