ma Silan
| ma Silan
Sealand | |
|---|---|
| ma lawa lili musi | |
 | |
 len ma |
 sitelen lawa |
 | |
| ma Silan lon poka pi ma Juke (leko laso) | |
| jan lawa | jan Mike Pete (jan lawa Mike) |
| tenpo open | tenpo sike nanpa 1967 |
| mani | mani Tola pi ma Silan (SX$) |
| tenpo | UTC-0 |
| lipu ilo | http://sealandgov.org/ |
ma Silan (toki Inli la: Sealand) li ma lawa lili musi lon telo suli lete lon poka pi ma Juke.
tenpo pini
[o ante | o ante e toki ilo]tomo Po Luse (toki Inli la: HM Fort Roughs) li tomo utala telo lon telo suli lete. ona li pali lon tenpo sike 1943 lon utala suli nanpa tu tan ni: ona li wile awen e tawa esun lon telo pi ma Juke. utala li pini la, jan li weka e tomo.
tenpo sike 1967 la, jan Pasi Lo Pete (Paddy Roy Bates) li kama tawa tomo Po Luse tan ni: ona li wile kama pana e kalama weka. kulupu lawa pi ma Juke li toki e ni: ona li ken ala pana. taso, ma Juke li jo ala e telo pi sike ma, e tomo Po Luse. pini utala la tomo li kama lon telo pi ma ale, lon ala telo pi ma Juke. tan ni la, jan Pasi Lo Pete li toki e ni: tomo Po Luse li kama ma sin. ona li toki e ni: ona li jan lawa pi kulupu lawa mama pi ma ni. ona li pana e nimi "Silan" tawa ma ni.