ma Weneto

ma Weneto Veneto Vèneto
ma kipisi
len ma	sitelen lawa
lili la, ma Weneto loje lon ma Italija walo. suli la, ma kipisi lon ma Weneto.
ma tomo lawa	ma tomo Wenesija
ma suli	ma Italija
ma lili	ma kipisi Wenesija ma kipisi Peluno ma kipisi Patowa ma kipisi Lowiko ma kipisi Tewiso ma kipisi Welona ma kipisi Wisensa
toki lawa	toki Italija
toki ante	toki Weneto toki Pijuli toki Lasin toki Sinpa
jan lawa	jan Luka Saja
tenpo open	tenpo sike nanpa 1984 la, tenpo mun nanpa 1 la, tenpo suno nanpa 1
mani	mani Elopa
ISO 3166	IT-34
lipu ilo	http://www.regione.veneto.it/

ma Weneto (toki Italija la: Veneto, toki Weneto la: Vèneto) li ma kipisi lon ma Italija. ma tomo Wenesija li ma tomo lawa ona. jan 4'86'53'80 li lon ona. suli Kilo Meton lipu la, ona li suli 1'83'45.

sijelo ma

pini pi linja telo Po

ma kipisi ni li lon poka pi ma Weneto: ma Pijuli Wenesija Sulija en ma Emilija Lomanja en ma Lonpasija en ma Tensino Ato Asite. ma Weneto li lon poka pi ma Esalasi la ma kipisi Siko en ma kipisi Kenten.

nena ma pi kulupu Alepi li lon ma Weneto. ona la, kulupu lili Tolomite. nena ma pi suli nanpa wan li nena ma Mamolata; ona li lon ma kipisi Peluno, li lon ma Tensino Ato Asite kin.

pini pi linja telo Po li lon ma Weneto. ma Italija la, ona li linja telo pi suli linja nanpa wan. kin la, linja telo Asite li lon. telo lili Kata (Garda) li lon. lon poka pi telo suli Asilasiko la, ma Weneto Pijuli pi nena ala li lon.

seli kon

telo suli en telo Kata li weka e seli tan kon lon tenpo seli, li pana e ona lon tenpo lete. nena ma li weka e kon lete. ni la, ala la kon li seli ike li lete ike.

lon poka pi nena ma la, tenpo seli li seli lili, tenpo lete li lete mute, ko walo lete li ken kama tan sewi.

lon poka pi telo suli la, tenpo lete li ken lete mute, tenpo seli li seli mute, kon li ken jo e telo mute lon tenpo seli.

toki

jan ale li toki Italija. jan mute li toki Weneto. nasin mute pi toki Weneto li lon. toki pi kulupu Loma la, toki Weneto en toki Katejano en toki Kanse en toki Potuke li lon kulupu lili sama.

ma kipisi Peluno la, jan li toki Lasin. jan li toki Sinpa lon ma tomo Lowana (Roana) lon ma tomo Sasa (Giazza).

lipu lawa la, toki pi ma Weneto li ala. ma Weneto li ken ala pana e toki ona tawa lipu lawa; ma kipisi luka taso pi ma Italija li ken ni. taso, kulupu lawa pi ma Weneto li wile pana e toki Weneto.