o tawa ijo lipu

ma Sinkapo

o ante e linja
tan lipu lipu Wikipesija
(tan nimi "ma Sinkapula")
ma Sinkapo
Singapore (toki Inli)
新加坡 (Xīnjiāpō) (toki Sonko)
Singapura (toki Malasija)
சிங்கப்பூர் (Singapur) (toki Tami)
len ma
sitelen lawa
kalama musi ma
Majulah Singapura (o tawa sinpin, ma Sinkapo o)
toki lawa toki Inli
toki Sonko
toki Malasija
toki Tami
mani mani Tola pi ma Sinkapo (S$)
ISO 3166 SG

ma Sinkapo anu ma Sinkapula li ma lawa li ma lili li ma tomo lon ma Asija. ona li lon poka pi ma Malasija li lon poka pi ma Intonesija. jan pi kulupu jan mute li lon ma Sinkapo. ni la toki lawa tu tu ni li lon: toki Inli en toki Sonko en toki Malasija en toki Tami li lon. jan pi ma Sinkapo li toki Inli mute. ma Sinkapo li lon sinpin pi ma tomo Sokopalu.

ma Sinkapo li lili, taso ona li suli tawa esun. kasi kule pi ma Sinkapo li kasi kule pi meli Jokin. tenpo ni la, jan lawa li jan Taman Sanmukalantan li jan Lowan Won. ma Sinkapo li jo ala e ma tomo lawa tan ni: ona ni ma tomo.

kalama musi lawa li "Majulah Singapura" kepeken toki Malasija. toki pona la kalama musi li "o tawa, ma Sinkapo o".

toki pona toki Inli
mi mute li jan pi ma Sinkapo. mi pana e toki awen tawa kulupu ni. kulupu ni li ante ala tan kule jan, tan toki, tan nasin sewi. mi mute li pali e ma pi lawa jan. nasin pi ma ni li pona tawa nasin lawa en sama. ni la, mi mute li wile kama jo e pilin pona e mani pona, e kama sin pi ma mi. We, the citizens of Singapore, pledge ourselves as one united people, regardless of race, language or religion, to build a democratic society based on justice and equality, so as to achieve happiness, prosperity and progress for our nation.[1]

nimi "ma Sinkapo" li kama tan nimi "Singapore" pi toki Inli. nimi "Singapore" li kama tan nimi "Singapura" pi toki Malaju. nimi "Singapura" li kama tan nimi "सिंहपुर Siṃhapura" pi toki Sankita. nimi "सिंहपुर" li "ma tomo pi soweli suli utala" lon toki pona. tenpo pini mute la nimi pi ma Sinkapo li ma Temase (Temasek, toki Sonko: 淡馬錫 Dànmǎxī). ken la ni li tan toki Malaju "tasek".[2]

lipu pi len ma pi ma Sinkapo
lipu pi len ma pi ma Sinkapo

len ma pi ma Sinkapo li jo e sitelen tu: sewi li loje, anpa li walo. sitelen loje la, mun wan en suno luka li lon. tenpo sike nanpa 1959 la jan To Sinsaje li pali e len ma ni. loje li sitelen e ni: jan ale li sama. walo li sitelen e jaki ala lon jan. mun li sitelen e ni: ma lawa sin li kama wawa. suno luka li sitelen e lawa pi jan ale, e utala ala, e nasin pona, e nasin lawa, e nasin sama.[3]

tenpo pini mute

[o ante | o ante e toki ilo]

tenpo sike nanpa 1299 la jan San Nila Utama li kama lon ma Temase. ona li jan lawa pi ma tomo Palenpan. ona li lukin e ma telo. ma telo ni li jo e ko walo. ona li pana e len lawa ona tawa telo suli tan ni: ona li wile weka e kon telo wawa. lon ma Sinkapula la ona li lukin e soweli. ona li toki alasa: "soweli ni li seme?". jan ante li toki: "soweli suli utala". ona li toki: "mi ken lukin e soweli suli utala la ni li ma pona. ma ni la mi wile pali e ma tomo!". ona li pana e nimi sin tawa ma Temase. nimi sin li ma Sinkapula.[4]

ma Sinkapo lon tenpo sike nanpa 1865
ma Sinkapo lon tenpo sike nanpa 1865

tenpo ma Juke

[o ante | o ante e toki ilo]

tenpo sike nanpa 1819 la jan Sanpa Lepo pi ma Juke li kama lon ma Sinkapo[5]. ona li pali e nasin lawa pi ma Juke lon ma ni. tenpo ni la ma Sinkapo li kama ma pi ma Juke. lon tenpo lili la, jan mute tan ma ante li kama lon ma Sinkapula. ma tomo Sinkapula li kama suli wawa tan ni: jan tan ma Sonko, tan ma Palata, tan ma Malesija, en tan ma ante li kama pali en kama awen lon ma ni. ma Sinkapula li kama ma tomo pi mani li kama ma tomo pi tomo tawa telo. mani mute li tawa tan ma ante lon ma ni. tenpo sike nanpa 1867 la, ma Sinkapula li kama ma pi lawa pi ma Juke, li lon ala lawa pi ma Palata pi ma Juke[6]. tenpo sike nanpa 1890 la, ma ni li pali li esun e ko walo tan ni: jan li pali e ko walo lon ma Sinkapo lon ma Malaja[7]. utala suli nanpa wan la, ma Sinkapo li utala ala tan ni: ma Elopa li utala, taso ma Asija seli pi open suno li utala ala.

utala suli nanpa tu

[o ante | o ante e toki ilo]

tenpo sike nanpa 1942 la, utala suli nanpa tu li kama lon ma Sinkapo[8]. jan utala pi ma Nijon li kama tan poka sewi li utala e ma Juke lon ma ni. jan utala pi ma Juke li ken ala awen. ma Sinkapo li kama lon lawa pi ma Nijon. jan Winsan Sasilu li toki e ni: "ni li tenpo ike nanpa wan pi tenpo pini lon ma Juke"[9]. tenpo ni la, ma Sinkapo li jo e nimi sin: ma Sijonan (toki Nijon: 昭南島 Shōnan-tō, Syônan-tô). jan mute li moli. jan mute li pilin ike li kama pakala tan pali utala en tan lawa wawa pi ma Nijon. ma Sinkapo li kama sin lon lawa pi ma Juke tan ni: tenpo sike nanpa 1945 la ma Nijon li kama anpa lon utala. utala suli nanpa tu li pini.

jan pi ma Nijon li kama anpa lon utala
jan pi ma Nijon li kama anpa lon utala

utala suli nanpa tu li pini

[o ante | o ante e toki ilo]

tenpo sike nanpa 1945 la, utala suli nanpa tu li pini. ma Sinkapo li kama sin lon lawa pi ma Juke. tenpo ni la, ma ni li pakala mute tan pali utala. tomo mute li pakala. jan mute li pilin ike li jo ala e mani mute. lon tenpo ni la, pilin pi jan ma li ante. jan mute li wile e ni: ma Sinkapo li jo e lawa ona. jan li open pali e kulupu pi lawa jan en kulupu pi pali pi jan ma. tenpo sike nanpa 1959 la, ma Sinkapo li kama jo e lawa lili. jan Li Kuwanju li kama jan lawa pi ma ni. tenpo sike nanpa 1963 la ma Sinkapo li lon insa pi ma Malasija. taso, pilin en lawa li pakala. tenpo sike nanpa 1965 la ma Sinkapo anpa li kama lon e ma pi lawa ona tan ni: ma Sinkapo en ma Malasija li jo e nasin ante.

jan Li Kuwanju lon tenpo sike nanpa 1975

tenpo ma pi lawa ona

[o ante | o ante e toki ilo]

tenpo sike nanpa 1965 la, ma Sinkapo li kama ma pi lawa ona. tenpo open la, ma ni li jo e pali suli mute. ma li lili. jan li mute. mani li lili. jan mute li jo ala e pali pona. jan lawa Li Kuwanju en kulupu lawa ona li pali e nasin suli pi mani en nasin suli pi jan. jan li pali e tomo pona, li pana sona tawa jan mute, li pali e nasin pi tomo tawa e tomo pi mani. lon tenpo suno mute la, ma Sinkapo li kama ma pi mani suli. kulupu mani tan ma ante li kama pali lon ma ni. tomo tawa telo en tomo tawa sewi li kama suli wawa. ma Sinkapo li pali e nasin pona pi jan ale. jan mute li jo e tomo pona, e sona pona, e pali pona. ma ni li kama ma pi tomo suli, pi mani suli, pi nasin lawa wawa. tenpo ni la, ma Sinkapo li wawa li jo e wawa suli.

nasin sewi lon ma Sinkapo
nasin sewi kipisi sama ale
nasin sewi Puta
  
 33%
nasin sewi pi jan Jesu
  
 18%
nasin pi sewi ala
  
 17%
nasin sewi Isilan
  
 15%
nasin pona
  
 11%
nasin sewi Intu
  
 5.1%
ante
  
 0.9%

nasin sewi mute li lon ma Sinkapo. kulupu pi nasin sewi pi ma Sinkapo luka luka li lon. tenpo sike nanpa 2014 la, kulupu jan li toki e ni: ma Sinkapo li ma pi nasin sewi ante mute lon ma ale li lon ala nasin sewi nanpa wan pi jan ale.[10] jan 31% li toki e ni: ona li lukin lon nasin sewi Puta. jan pi nasin sewi Puta li jan Sonko Po.

sitelen ma pi tomo tawa linja lon ma Sinkapo
sitelen ma pi tomo tawa linja lon ma Sinkapo

ma Sinkapo li jo e tomo tawa linja e tomo tawa suli. tenpo ni la linja luka wan li lon linja sewi anpa (loje), lon linja open pini (laso kasi), lon linja kama suno (laso loje), lon linja sike (jelo), lon linja ma tomo (laso telo), lon linja ma Tonson-isoko (loje pimeja). linja lili tu wan li lon ma tomo Senkan, lon ma tomo Ponko, lon ma tomo Suwasukan en ma tomo Pukipansan.[11] lon ma Sinkapo la, tomo tawa li pi mani mute nanpa wan lon ma ale. lon ma Sinkapo la, tomo tawa mani li mani lili.[12]

nasin pi noka suli
nasin pi noka suli lon ma tomo Sokopalu

nasin pi noka suli li wan e ma Sinkapo e ma tomo Sokopalu. noka pi ma Sinkapo la, ona li lon ma tomo Ulan[13]. nasin pi noka suli nanpa tu li lon. ona li wan e ma tomo Tuwaso e ma tomo Tansonkupan.

telo pi kama sewi lon ma pi tomo tawa sewi Sanki
telo pi kama sewi lon ma pi tomo tawa sewi Sanki

ma pi tomo tawa sewi Sanki li ma pi tomo tawa sewi nanpa wan pi ma Sinkapo. ma pi tomo tawa sewi Selita li ma pi tomo tawa sewi nanpa tu pi ma Sinkapo[14]. jan mute li toki e ni: ma pi tomo tawa sewi Sanki li ma pi tomo tawa sewi nanpa wan lon ma ale[15].

ma pi tomo tawa telo pi ma Sinkapo li suli mute. ona li ma pi tomo tawa telo nanpa tu lon ma ale.

sitelen ma pi ma Sinkapo. sitelen ma ni li jo e nimi pi telo e nimi pi ma tomo e nimi pi ma telo.
sitelen ma pi ma Sinkapo. sitelen ma ni li jo e nimi pi telo e nimi pi ma tomo e nimi pi ma telo.

ma Sinkapo li jo e ma telo mute mute mute tu wan (63). ma Sinkapo li jo e telo mute wan (21). nena pi sewi nanpa wan li lon ma tomo Pukisima[16]. nena Pukisima li sewi mute.

tenpo ma Sinkapo li lon ma Juke la ona li jo e ma Jule e ma Kokokili. tenpo sike nanpa 1957 la ma Sinkapo li pana e ma Jule e ma Kokokili tawa ma Oselija[17].

ma Sinkapo la ma telo Uson li ma telo suli nanpa wan. ma telo Sinkapo li sama ma telo Uson. ma Sentosa li ma telo lili lon anpa pi ma telo Sinkapo. ona li ma pi musi. ma Sentosa la, ijo li wile mani mute. ma Monako la, ma Sentosa li suli. ma Onkon la, ma Sinkapo li lili.[18]

ma tomo Tenpini li jo e jan mute nanpa wan lon ma Sinkapo. ma tomo Peto li jo e jan mute nanpa tu.[19]

toki pona toki Inli • toki Malaju toki Sonko toki Tami nanpa ma (km2) nanpa jan (2025)[20] nanpa jan/nanpa ma (/km2) ma tomo lili
ma tomo Anmokijo Ang Mo Kio 宏茂桥 ஆங் மோ கியோ 13.94 158,720 11,386 12
ma tomo Peto Bedok 勿洛 பிடோக் 21.69 274,360 12,649 8
ma tomo Pisan Bishan 碧山 பீஷான் 7.62 87,530 11,487 3
ma tomo Punle Boon Lay 文礼 பூன் லே 8.23 30 4 4
ma tomo Pukipato Bukit Batok 武吉巴督 புக்கிட் பாத்தோக் 11.13 165,830 14,899 9
ma tomo Pukimela Bukit Merah 红山 புக்கிட் மேரா 14.34 146,200 10,195 17
ma tomo Pukipansan Bukit Panjang 武吉班让 புக்கிட் பாஞ்சாங் 8.99 136,360 15,168 7
ma tomo Pukisima Bukit Timah 武吉知马 புக்கிட் திமா 17.53 85,900 4,900 8
ma tomo pi alasa telo Central Water Catchment • Kawasan Tadahan Air Tengah 中央集水区 மத்திய நீர் நீர்ப்பிடிப்பு 37.15 – – N/A
ma tomo Sanki Changi 樟宜 சாங்கி 40.61 1,960 48 3
ma tomo Sankipe Changi Bay • Teluk Changi 樟宜湾 சாங்கி பே 1.7 – – N/A
ma tomo Suwasukan Choa Chu Kang 蔡厝港 சுவா சூ காங் 6.11 187,550 30,696 7
ma tomo Kemensi Clementi 金文泰 கிளிமெண்டி 9.49 104,240 10,984 9
ma tomo Tantan Downtown Core • Pusat Bandar 市中心 சிங்கப்பூர் நகர மையத்தில் 4.34 5,230 1,205 8
ma tomo Kelan Geylang 芽笼 கேலாங் 9.64 117,640 12,203 5
ma tomo Okan Hougang 后港 ஹவ்காங் 13.93 227,220 16,312 10
ma tomo Sulon Jurong East • Jurong Timur 裕廊东 ஜூரோங் கிழக்கு 17.83 72,950 4,091 10
ma tomo Penkan Jurong West • Jurong Barat 裕廊西 ஜூரோங் மேற்கு 14.69 253,840 17,280 9
ma tomo Kalan Kallang 加冷 காலாங் 9.17 101,720 11,093 9
ma tomo Linsukan Lim Chu Kang 林厝港 லிம் சூ காங் 17.3 30 2 N/A
ma tomo Mante Mandai 万礼 மண்டாய் 11.77 2,120 180 3
ma tomo Malina Marina East • Marina Timur 滨海东 மெரினா கிழக்கு 1.82 – – N/A
ma tomo Katanpatape Marina South • Marina Selatan 滨海南 மெரினா தென் 1.62 – – N/A
ma tomo Malinpale Marine Parade 马林百列 மரின் பரேட் 6.12 47,480 7,758 5
ma tomo Musijun Museum • Muzium 博物馆 அருங்காட்சியகம் 0.83 820 988 3
ma tomo Nijutan Newton 纽顿 நியூட்டன் 2.07 10,110 4,884 6
ma tomo pi ma telo North-Eastern Islands • Kepulauan Timur Laut 东北群岛 வடகிழக்கு தீவுகள் 42.88 40 1 N/A
ma tomo Nowina Novena 诺维娜 நொவீனா 8.98 53,160 5,920 5
ma tomo Osa Orchard 乌节 ஆர்ச்சர்ட் 0.96 1,450 1,510 3
ma tomo Otalan Outram 欧南 ஊட்ரம் 1.37 16,940 12,365 4
ma tomo Pasili Pasir Ris 巴西立 பாசிர் ரிஸ் 15.02 144,260 9,605 8
ma tomo Pajalepa Paya Lebar 巴耶利峇 பாய லேபார் 11.69 20 2 5
ma tomo Pajonija Pioneer 先驱 பயனியர் 12.1 50 4 5
ma tomo Ponko Punggol 榜鹅 பொங்கோல் 9.34 204,150 21,858 7
ma tomo Kuwinton Queenstown 女皇镇 குவீன்ஸ்டவுன் 20.43 101,480 4,967 16
ma tomo Liwapeli River Valley 里峇峇利 நதி பள்ளத்தாக்கு 1.48 12,700 8,581 5
ma tomo Loso Rochor 梧槽 ரோச்சோர் 1.62 12,790 7,895 10
ma tomo Selita Seletar 实里达 சிலேத்தார் 10.25 290 28 4
ma tomo Senpawan Sembawang 三巴旺 செம்பவாங் 12.34 113,350 9,186 9
ma tomo Senkan Sengkang 盛港 செங்காங் 10.59 267,600 25,269 7
ma tomo Selankun Serangoon 实龙岗 சிராங்கூன் 10.1 116,630 11,548 7
ma tomo Sinpan Simpang 新邦 சிம்பாங் 5.13 – – 4
ma tomo pi nasin telo Sinkapo Singapore River • Sungai Singapura 新加坡河 சிங்கப்பூர் நதி 0.96 4,630 4,823 3
ma tomo pi ma telo lili Southern Islands • Kepulauan Selatan 南部群岛 தெற்கு தீவுகள் 6.07 2,680 442 2
ma tomo Saletowiju Straits View • Pemandangan Selat 海峡景 ஸ்ட்ரெய்ட்ஸ் காண்க 0.77 – – N/A
ma tomo Sunkekatu Sungei Kadut • Sungai Kadut 双溪加株 சுங்கை காடுட் 15.99 730 46 5
ma tomo Tenpini Tampines 淡滨尼 தெம்பினிஸ் 20.89 290,090 13,887 5
ma tomo Tankilin Tanglin 东陵 டங்லின் 7.63 24,630 3,228 4
ma tomo Tenka Tengah 登加 தெங்கா 7.4 22,960 3,103 N/A
ma tomo Topajo Toa Payoh 大巴窑 தோ பாயோ 8.17 142,220 17,408 12
ma tomo Tuwaso Tuas 大士 துவாஸ் 30.04 80 3 6
ma tomo pi ma telo Sulon Western Islands • Kepulauan Barat 西部群岛 மேற்கத்திய தீவுகள் 39.47 10 0 3
ma tomo pi alasa telo lili Western Water Catchment • Kawasan Tadahan Air Barat 西部集水区 மேற்கத்திய நீர் நீர்ப்பிடிப்பு 69.46 580 8 N/A
ma tomo Ulan Woodlands 兀兰 ஊட்லண்ட்ஸ் 13.59 254,440 18,723 9
ma tomo Isun Yishun 义顺 யீஷூன் 21.24 228,730 10,769 9
pan walo en waso pi ma Anan
ma Sinkapo li jo e moku pona mute. jan tan kulupu ante li kama pali e moku tawa ma ni. moku tan kulupu Sonko, tan kulupu Melaju, tan kulupu Palata, tan kulupu Inli li lon. jan li pali e moku pi soweli, pi kasi, pi kili. jan li pali e moku wawa, e moku lili, moku pi mani lili e moku pi mani suli. jan li pali e moku ante tan kulupu ante, taso jan li lon poka ala e nasin moku tan kulupu ante. jan li ken moku e moku pi kulupu ante mute lon ma Sinkapo. tenpo ni la, moku tan kulupu pi ma Elopa tan kulupu Nijon li lon kin. moku ni li pona tawa jan mute: pan walo en waso pi ma Anan, pan walo en telo pi kili kiwen, pan en telo namako, en pan linja pimeja. jan mute li toki e ni: pan walo en waso pi ma Anan li moku nanpa wan pi ma Sinkapo.

ma Sinkapo li jo e kulupu pi musi ante mute. jan li pali e musi tan kulupu ante. musi ni li lon tomo, lon sinpin suno, en lon kulupu pi tomo tawa. jan li toki e musi pi kulupu mute. sitelen musi li lon ma Sinkapo. jan li pali e sitelen musi pi toki pona, pi toki Inli, pi toki Sonko, en pi toki ante. jan li toki e sitelen ante tan ma ante. kulupu pi musi wawa li kama lon tenpo suno mute. jan li toki e musi pi ma Sinkapo lon ma esun, lon tomo pi musi, lon poki musi, lon kulupu pi ilo sona.

esun en mani

[o ante | o ante e toki ilo]
ni li mani Tola tu pi ma Sinkapo. sitelen pi jan Juso Isa li lon.
ni li mani Tola tu pi ma Sinkapo. sitelen pi jan Juso Isa li lon.
mani Tola pi ma Sinkapo (toki Inli la: dollar, toki Sonko la: 新加坡元, toki Melaju la: Dolar Singapura, toki Tami la: சிங்கப்பூர் வெள்ளி, sitelen: S$, nimi pi ISO-4217: SGD) li mani lon ma Sinkapo, li mani lon ma ante kin. sina kipisi e mani pi ma Sinkapo la, ona li pali e mani lili pi ma Sinkapo (toki Inli la: cent, toki Sonko la: 分 fēn, toki Melaju la: sen, toki Tami la: காசு kācu, sitelen: ¢) mani lili 100 pi ma Sinkapo li lon mani 1 pi ma Sinkapo. sina ken kepeken mani pi ma Sinkapo lon ma Pune tan ni: mani pi ma Sinkapo li sama mute mani pi ma Pune. ma Tola pi ma Sinkapo li mani nanpa luka luka tu wan lon ma ale. tenpo sike nanpa 2024 la, mani Tola pi ma Sinkapo 66,553,000,000,000 li lon.

toki Inli, toki Sonko, toki Malasija, toki Tami li toki pi ma Sinkapo.

ma Malesija
poka lete
poka weka suno   ma Sinkapo    poka kama suno
poka seli
ma Intonesija
  1. ↑ ni li tan National Pledge. mi lukin e ni lon tenpo 2025-12-18.
  2. ↑ Victor R. Savage, Brenda Yeoh (en) li toki e ni lon Singapore Street Names: A Study of Toponymics tan Marshall Cavendish International (Asia) Private Limited lon tenpo 2013-06-15. mi lukin e ni lon tenpo 2025-12-15.
  3. ↑ ni li tan National Flag. mi lukin e ni lon tenpo 2025-12-19.
  4. ↑ ni li tan Malay Annals tan Longman, Hurst, Rees, Orme, and Brown lon tenpo 1821. mi lukin e ni lon tenpo 2025-12-15.
  5. ↑ Mun Cheong Yong, V. V. Bhanoji Rao (en) li toki e ni lon Singapore-India Relations: A Primer tan NUS Press lon tenpo 1995. mi lukin e ni lon tenpo 2025-12-15.
  6. ↑ ni li tan Singapore attains crown colony status - Singapore History. mi lukin e ni lon tenpo 2025-12-15. tenpo 2023-02-08 la ona li ni.
  7. ↑ InfoMap li toki e ni lon www.sg | Founding of Modern Singapore. mi lukin e ni lon tenpo 2025-12-15. tenpo 2009-05-08 la ona li ni.
  8. ↑ Patricia Pui Huen Lim, Diana Wong (en) li toki e ni lon War and Memory in Malaysia and Singapore tan Institute of Southeast Asian Studies lon tenpo 2000. mi lukin e ni lon tenpo 2025-12-15.
  9. ↑ ni li tan 1942: Singapore forced to surrender lon tenpo 1942-02-15. mi lukin e ni lon tenpo 2025-12-15.
  10. ↑ Joseph Liu (en-US) li toki e ni lon Global Religious Diversity lon tenpo 2014-04-04. mi lukin e ni lon tenpo 2025-12-15.
  11. ↑ ni li tan LTA | Rail Network. mi lukin e ni lon tenpo 2025-12-14.
  12. ↑ ni li tan Getting a Taxi | Taxis | Public Transport | Land Transport Authority. mi lukin e ni lon tenpo 2025-12-15. tenpo 2016-05-27 la ona li ni.
  13. ↑ ni li tan The Straits Times - Breaking news, Singapore news, Asia and world news & multimedia. mi lukin e ni lon tenpo 2025-12-15.
  14. ↑ ni li tan Malaysian carrier Firefly to resume Singapore flights with twice-daily trips lon CNA. mi lukin e ni lon tenpo 2025-12-15. tenpo 2021-06-17 la ona li ni.
  15. ↑ ni li tan 2006 Airport of the Year results. mi lukin e ni lon tenpo 2025-12-15. tenpo 2006-12-31 la ona li ni.
  16. ↑ ni li tan http://www.nhb.gov.sg/NHBPortal/faces/oracle/webcenter/portalapp/pagehierarchy/Page856.jspx?detContId=NHBSVRAPP61620001517. mi lukin e ni lon tenpo 2025-12-15. tenpo 2015-04-09 la ona li ni.
  17. ↑ ni li tan Singapore lon Wikipedia lon tenpo 2025-12-12. mi lukin e ni lon tenpo 2025-12-15.
  18. ↑ ni li tan Sentosa Island. mi lukin e ni lon tenpo 2025-12-18. tenpo 2024-04-27 la ona li ni.
  19. ↑ ni li tan Geographical Distribution Dashboard. mi lukin e ni lon tenpo 2025-12-15.
  20. ↑ kipisi:Cite web
tan https://tok.wikipedia.org/w/index.php?title=ma_Sinkapo&oldid=59295