ma Silo
| ma Silo
Tirol Tirolo | |
|---|---|
 len ma | |
| ma suli | ma tomo Inpu |
| toki lawa | toki Tosi toki Italija |
ma Silo (toki Tosi en toki Lasin la: Tirol, toki Italija la: Tirolo) li ma kipisi pi ma Esalasai lon ma Italija lon. nena suli mute en telo suli mute li lon ona. jan mute li toki Italija li toki Tosi li toki Lasin. ma Silo pi ma Italija la jan pi mute nanpa wan li toki Italija. ni pi ma Tosi la jan pi mute nanpa wan li toki Tosi. taso ona tu li lon ma tu. toki Lasin kin li suli.
ma Silo pi ma Esalasi
[o ante | o ante e toki ilo]| ma kipisi Silo
Tirol | |
|---|---|
| len ma |
 sitelen lawa |
| ma suli | ma tomo Inpu |
| toki lawa | toki Tosi |
ma kipisi Silo (toki Tosi la: Tirol) li ma kipisi pi ma Esalasi. lawa ona li lon ma tomo Inpu. jan mute li tawa lon ko walo lon ona. ma kipisi Sapu li tu e ona. taso tu ni li awen wan tawa lawa. ona la jan pi mute nanpa wan li toki Tosi.
ma Tensino Ato Asite
[o ante | o ante e toki ilo]| ma Tensino Ato Asije
Trentino-Alto Adige Trentino-Südtirol | |
|---|---|
 len ma |
 sitelen lawa |
| toki lawa | toki Italija toki Tosi |
ma Tensino Ato Asite (toki Italija la: Trentino-Alto Adige) anu ma Tensino Susilo (toki Tosi la: Trentino-Südtirol) li ma kipisi pi ma Italija. lawa ona li lon ma tomo Tento. tenpo pini la ma ni li tu li ma Tensino li ma Susilo. ni tu li kama wan. taso ona li awen ken lawa e ona sama. jan mute pi ma tu li mama e kili loje suwi e kili pi telo nasa.
ma Tensino
[o ante | o ante e toki ilo]| ma Tensino
Trentino Trentin | |
|---|---|
 len ma |
 sitelen lawa |
ma Tensino (toki Italija la: Trentino) anu ma Tensin (toki Lasin la: Trentin) li poka wan pi ma Tensino Ato Asije. lawa ona li lon ma tomo Tento. ona la jan pi mute nanpa wan li toki Italija. toki Lasin kin li suli. jan pi mute lili li toki Pesentoleli li toki Sinpa. toki ni tu li poka tawa toki Tosi.
ma Susilo
[o ante | o ante e toki ilo]| ma Susilo
Südtirol Alto Adige | |
|---|---|
 len ma |
 sitelen lawa |
ma Susilo (toki Tosi en toki Lasin la: Südtirol) anu ma Ato Asije (toki Italija la: Alto Adige) li poka wan pi ma Tensino Ato Asije. lawa ona li lon ma tomo Posano. ona la jan pi mute nanpa wan li toki Tosi. taso toki Lasin en toki Italija kin li lon. mani mute a li lon ma ni.