ma tomo Sikako
| ma tomo Sikako
Chicago | |
|---|---|
| ma tomo | |
 | |
 len ma |
 sitelen lawa |
 | |
| ma tomo Sikako (loje) lon ma Ilino | |
| ma suli | ma Mewika |
| ma lili | ma Ilino |
| jan lawa | jan Panten Sonsen |
| mani | mani Tala pi ma Mewika |
| tenpo | UTC-6 |
| lipu ilo | http://chicago.gov/ |
ma tomo Sikako (toki Inli la: Chicago) li ma tomo suli lon ma Ilino lon ma Mewika. ma Ilino en insa pi pini suno pi ma Mewika la ona li ma tomo pi suli nanpa wan. ma nanpa jan la, ona li ma tomo nanpa tu wan lon ma Mewika. ma Sikako (Chicagoland) la, ma tomo ante li lon poka pi ma tomo Sikako li lon ma Insijana lon ma Wikonsin kin.
nasin telo Sikako en telo suli Misiken li kama wan la, ma tomo Sikako li open wan. ni la, ma tomo Sikako li lon insa nasin pi nasin telo Misisipi pi telo suli Alansi.
kulupu pi ma ante mute li tawa ma tomo Sikako la, ma tomo Sikako li kama suli. nasin sike 1870 la, ona li kama ma tomo nanpa tu pi ma Mewika. wile suli pi ma tomo Sikako la nimi musi pi ma tomo Sikako li kama lon: ma tomo pi kon wawa (toki Inli la: Windy City).
tenpo pini
[o ante | o ante e toki ilo]open
[o ante | o ante e toki ilo]tenpo pini la, ma tomo Sikako li lon ma telo. kili pi selo mute li lon ma ni. nimi pi kasi ni li tan toki Ilinwe li tawa toki Kanse li kama nimi pi ma tomo Sikako.
jan pi ma Kanse li jan nanpa wan pi ma Elopa lon ma ni. jan Jacques Marquette pi kulupu Jesu en jan Lois Joilliet li tawa lon nasin telo Misisipi la, kulupu Ilenwe li tawa telo suli Misiken lon poka kulupu Kanse. kulupu Kanse li sitelen e lon mi.
lawa pi ma Kanse la, ma tomo ala li awen. taso, jan esun en jan pi nasin sewi li tawa lon ma ni. jan Point de Sable li awen lon ma tomo Sikako lon tenpo sike 1790. tenpo sike 1804 la. jan John Kinzie li kama jo e tomo pi jan John Kinzie li esun e len soweli e telo nasa. tenpo sike 1803 la, kulupu utala pi ma Mewika li pali e tomo awen Deerborn. utala pi tenpo sike 1812 la, kulupu Potowamomi li pakala e tomo awen Deerborn. taso, kulupu utala li pali sin e tomo awen lon 1816. ma Mewika tenpo sike 1836 la, kulupu utala li tawa weka tan tomo awen. jan pi mute lili li awen lon poka pi tomo awen. kulupu lawa pi ma tomo Sikako li open lon tenpo sike 1837.
kama suli
[o ante | o ante e toki ilo]tenpo open la, ma tomo Sikako li kama suli lon tenpo lili. tenpo sike 1848 la, nasin telo lon insa pi nasin telo Ilino pi telo suli Misikan li kama. jan en ijo li tawa lon ma tomo Sikako.
tenpo sike 1871 la, seli li pakala e mute pi ma tomo Sikako. taso, ma tomo Sikako li awen kama suli. tomo mute sin li pali. sijelo pi kiwen ilo li kepeken la, tomo mute li kama suli mute. toki Inli la, nimi pi tomo suli ni li "skyscraper".
tenpo sike 1893 la, tenpo World's Columbian Exposition li kama lon ma tomo Sikako. tenpo ni la, nimi namako pi ma tomo ni li “ma tomo walo”.
ma
[o ante | o ante e toki ilo]open la, ma tomo Sikako li jo e telo mute. jan li sewi e tomo la, jan li pali e ma tomo. nasin telo Sikako li tu. ona li kama wan la, ona li tawa telo suli Misikan.
tomo
[o ante | o ante e toki ilo]insa pi ma tomo Sikako li lon poka pi nasin telo Sikako pi telo suli Misikan. nimi ona li lupa (The Loop).
lon poka telo la, ma kasi en ma musi mute li lon.
tenpo sike la 1973, tomo suli Sears (nimi ona li ante tawa tomo suli Wilis) li pali, li tomo pi sewi nanpa wan.
toki pona
[o ante | o ante e toki ilo]tenpo sike 2024 la, jan pi toki pona lon ma Amelika lete li tawa ma tomo Sikako.