ma Sijela Te Puweko

ma Sijela Te Puweko Tierra del Fuego
kulupu pi ma lili
ma suli	ma Alensina en ma Sile
toki lawa	toki Epanja

ma Sijela te Puweko (toki Epanja la: Tierra del Fuego [ˈtjera ðel ˈfweɣo], "ma pi ma seli") li kulupu pi ma lili. ona li lon poka pi telo suli Alansi lon poka pi telo suli Pasipi. ona li lon ma Amelika seli pi poka pini pi open suno. ona li jo e ma lili ~40 000 lon telo. ma lili pi suli nanpa wan li ma Ila Kante Te Sijela Te Puweko (toki Epanja la: Isla Grande de Sierra del Fuego, "ma lili suli pi ma pi ma seli").

ma Alensina en ma Sile li tu e ma Sijela Te Puweko. kin la ma ona mute li tu e ma Ila Kante Te Sijela Te Puweko (ma Sile li jo e wan suli). jan 251 000 li lon ma Sijela Te Puweko (jan mute li lon ma Ila Kante Te Sijela Te Puweko). telo Makajane (toki Epanja la: Estrecho de Magallanes) li tu e ona e ma Amelika seli. telo Teki (toki Epanja la: Pasaje de Drake) li tu e ona e ma Antasika. nena ma suli ona li nena ma Tawin (toki Epanja la: Monte Darwin). ma tomo pi poka pini pi open suno la, ma tomo Usuwaja li nanpa wan (ona li lon ma Alensina). ma tomo lili pi pini pi open suno la, ma tomo lili Puwelito-Tolo li lon.

jan tan ma Elopa li kama tawa ona la, jan Pelinaju Makalasi li nanpa wan. tenpo sike nanpa 1881 la, ma Sile en ma Alensina li tu e ma lon telo lawa pi ma Ila Kante Te Sijela Te Puweko.