ma Sijato
| ma Sijato
Seattle | |
|---|---|
| ma tomo | |
 | |
 sitelen lawa | |
 | |
| ma suli | ma Mewika ma Wasinton ma Kin |
| tenpo open | sike suno nanpa 1851 |
ma Sijato li ma tomo suli lon ma Kin lon ma Wasintan lon ma Mewika. ma tomo pi ma Wasintan la ma Sijato li suli nanpa wan. jan li sona e ma Sijato tan kalama musi ona tan esun ilo ona. tomo sona suli pi ma Wasintan en tomo sona suli pi ma Sijato en kulupu musi Seka en kulupu musi Mawene li lon ma Sijato.
tenpo pini
[o ante]kulupu Tuwaja (toki Lasusi la: dxʷdəwʔabš) li kulupu nanpa wan pi ma Sijato. tenpo pini la jan Sija li jan lawa pi kulupu Tuwaja. nimi "Sijato" li tan jan Sija.
tenpo sike nanpa 1851 la jan pali tomo li tawa lon ma ni li pali e ma tomo sin. ma tomo ni li ma Sijato.
tenpo sike nanpa 1919 la jan pali li utala pali suli pi ma Sijato.
tenpo sike nanpa 1999 la jan pi ma ni li utala e kulupu esun pi ma ale.
tenpo sike nanpa 2020 la jan pi ma ni li utala e jan awen lawa. ni la tenpo lili la jan li pali e ma Ka lon ma Sijato.
kipisi pi ma tomo
[o ante]ma Pala en ma Pemon en ma Kapitoli en ma Kinaton en ma Kinle en ma Peton en ma Kinan li lon ma Sijato.