ma Santon
| ma Santon
山东省 | |
|---|---|
| ma kipisi | |
.svg) | |
| ma tomo lawa | ma tomo Sinan |
| ma suli | ma Sonko |
| toki lawa | toki Sonko |
ma Santon (toki Sonko: 山东, Shāndōng), li jo e nimi lili pi ma Lu, li lon open suno pi ma Sonko li poka telo. tenpo pini la ma Santon li pona mute tawa kama suli pi kulupu jan Sonko, tan ni: jan mute pi sona suli en jan lawa li lon ma ni. ma ni li ma suli pi nasin To, pi nasin Puta, pi nasin Konpusi. ma kiwen Taje li ma kiwen suli lon ma Santon. ona li ma sewi pi nasin To. tenpo suli la jan li awen pali e toki sewi tawa sewi lon ma ni. tomo Linjan pi nasin Puta lon poka suno pi ma tomo Sinan li tomo suli pi nasin Puta lon tenpo pini. ma tomo Kipu li ma mama pi jan Konpusi. tenpo pini la ona li ma suli pi nasin Konpusi.