ma Sakalin

ma Sakalin (toki Lusi la: Сахали́н) li ma lili lon ma Asija. ona li lon ma Sakalin (ma lili pi ma Lusi). suli la, ona li nanpa wan lon ma Lusi. telo suli Nijon en telo suli Okoto li lon poka ona. telo suli Tatala li tu e ma Asija e ona. jan 489 638 li lon ona. jan mute lon ma lili la, ona li nanpa wan lon ma Lusi.

nimi

nimi ona lon toki Lusi li tan nimi pi telo linja Amu lon toki Mantulu "sakalan ula" (kiwen pi telo linja pimeja). nimi ona lon toki Nijon "Kalaputo" (toki Nijon la: 樺太廳) tan "kamuj kala puto a mosi" (toki Ain, "ma pi jan sewi pi nena"). nimi ona lon toki Nijon sin li {{nimi ijo|"Sakalin"|サハリン|toki Nijon||ipa=}|na=true}. jan pi ma Sakalin en jan ma lon poka pi telo linja Amu li nimi e ona kepeken nimi "Ik mip".

tenpo pini

jan li lon ma Sakalin lon tenpo pini mute. jan li alasa e kala. kulupu jan Niwki li lon poka open ona pi open suno. kulupu jan Ajenu li lon poka pini ona pi open suno. kin la kulupu jan Ewen en kulupu jan Oloki li kama tawa ona.

tenpo sike nanpa 1805 la, tomo tawa lon telo "Natesta" en jan lawa ona jan Iwan Klusenstein li kama tawa ma lili pi ma Sakalin. taso ona li pilin e ni: ma Sakalin li ma lili anu ma palisa. tenpo sike nanpa 1808 la, jan Tensulo Matuta en jan Linso Mamija tan ma Nijon li kama tawa ma Sakalin. ona li sona e ni: ma Sakalin li ma lili. taso ma Sakalin li ma lili anu ma palisa lon sitelen ma lon tenpo mute. tenpo sike nanpa 1849 la, jan Kena Newelski li kama tawa ma Sakalin. ona li sona tawa jan ali e ni: ma Sakalin li ma lili.

jan pi ma Lusi en jan pi ma Nijon li kama tawa ona. ona li utala tan ona. ma Nijon li jo e poka pini ona pi open suno. ma Lusi li jo e poka open ona pi open suno. tenpo sike nanpa 1920 la, ma Nijowe li jo e ma Sakalin. taso ona li pana e poka open ona pi open suno tawa ma Lusi. ma Nijon li pana e ma Sakalin ali tawa ma Sesesele tan pini pi utala suli nanpa tu.