ma Okinawa
ma Okinawa li ma telo lon telo suli Pasipi. ona li lon kulupu ma Luku lawa pi ma Nijon la ona li lon ma kipisi Okinawa.
tenpo pini
[o ante | o ante e toki ilo]tenpo kiwen la jan alasa li kama tawa ma Okinawa. taso, tenpo kama tawa ni la mi ale li sona ala e ni: jan li awen ala awen lon ma Okinawa? tenpo kama suli la jan alasa li kama sin tawa ma Okinawa. ona li alasa mute e kala kiwen li pali ilo.
lon poka tawa tenpo sike nanpa 1050 la jan sin li kama tawa ma Okinawa. jan ni li sama jan pi ma Nijon. ona li open pan lon ma Okinawa. ona li esun e kiwen kala, e pali e tomo kiwen utala mute. ona li utala mute, li tawa ma ante, li lanpan e mani ona.
lon poka tawa tenpo sike nanpa 1450 la ma Luku li kama ma lawa. kin la ona li lawa e ma telo ante lon poka. tenpo sike suno nanpa kulupu Sasuma li utala e ma Luku li anpa e ona. tenpo sike nanpa 1879 la ma Nijon li anpa ale e ona la ma Okinawa li kama ma kipisi pi ma Nipon.
tenpo sike nanpa 1945 jan utala pi ma Mewika li utala e utala pi ma Okinawa lon ma Okinawa. ona li utala e jan utala pi ma Nijon lon utala suli nanpa tu. tenpo kama tawa ni la jan pi ma Mewika li pali e tomo jan utala mute lon ma Okinawa. taso, jan mute tan ma Okinawa li pilin ike tawa ni, li wile weka e jan utala.
ma
[o ante | o ante e toki ilo]suli ma pi ma Nijon la ma Okinawa li nanpa luka. tenpo pini lili la jan li suli e ona kepeken ma sin. ma kasi telo li lon ma Okinawa. selo ma li lon ona kin. ma Nijon la ona li seli.
mute jan la ma Naja li ma tomo nanpa wan lon ma Okinawa.
jan
[o ante | o ante e toki ilo]tenpo pini la kulupu lawa pi ma Nijon li wile e ni: jan Okinawa li kama jan Nijon. ni la lawa li pilin ike toki Okinawa. ni li toki mama ona.
tenpo lon la jan majuna taso li toki Okinawa. jan lili pi mute lili li toki e ona. taso jan ale lon ma Okinawa li ken toki kepeken toki Nijon.