ma Nusilan

ma Nusilan New Zealand (toki Inli) Aotearoa (toki Majoli)
len ma	sitelen lawa
kalama musi ma
"God Defend New Zealand" (mama sewi, o awen e ma Nusilan)
ma tomo lawa	ma tomo Welinton
mute jan la ma tomo suli	ma tomo Okolan
toki lawa	toki Inli, toki Majoli, toki luka Nusilan
nasin lawa	nasin lawa pi jan ale
jan lawa	jan lawa Sa nanpa tu wan jan Kitapa Lakon
mani	mani Tola pi ma Nusilan ($) (NZD)
tenpo	UTC+12
ISO 3166	NZ

ma Nusilan (toki Inli la: New Zealand) anu ma Silan sin anu ma Otejalowa (toki Majoli la: Aotearoa) li ma lon ma Osejanija. ma Nusilan la ma suli tu li lon. ma suli tu li ma Nosalan (toki Inli la: North Island, "ma pi nasin seli") li ma Sasalan (toki Inli la: South Island, "ma pi nasin lete"). ma lili mute kin li lon. ma Nusilan li lon poka telo suli Taman. ma Oselija la, ma Nusilan li lon nasin pi open suno. ma Nusilan li kama ma tan ni: supa kiwen suli tu li kama poka li mama e nena ma suli mute. kulupu jan nanpa wan pi ma Nusilan li kulupu jan Majoli. toki ona li toki Majoli. tenpo pini la, jan Elopa li tawa ma Nusilan. ma Juke li kama lawa e ona. tenpo ni la, ma tomo lawa pi ma Nusilan li ma tomo Welinton. mute jan la, ma tomo nanpa wan li ma tomo Okolan.

nimi

jan Elopa li kama la, jan alasa Netelan li lukin e ma Nusilan. jan ni li jan Ape Taman. sona ona li ni: ma Nusilan li sama ma Saten lon ma Sulamelika. taso, suno sike 1643 la, jan alasa Eneli Pawa li pakala e sona ni. ona li toki e ni: ma Saten li ma pi lili mute. ni la, jan pi lipu ma lon ma Netelan li pana e nimi "ma Nusilan" (ma Silan sin). tan pi ma ni li ma Silan lon ma Netelan. ma Silan li ma lili lon ma Netelan.

kon pi nimi lon toki Majoli (ma Otejalowa (Aotearoa)) li ni: ma pi kon walo linja.

jan

jan 5,223,000 li lon ma Nusilan.