ma Mesiko

ma Mesiko
México
ma Mesiko México
len ma	sitelen lawa
kalama musi ma
	Himno Nacional Mexicano; (kalama musi ma pi ma Mesiko)
	ma Mesiko (laso)
ma tomo lawa	ma tomo Mesiko
toki lawa	ala (lon lipu lawa); toki Epanja (lon pali)
toki ante	toki Nawa; toki Maja; toki ante mute pi kulupu jan nanpa wan pi ma Amelika
jan lawa	jan Kasija Senban Pato
mani	mani Peso pi ma Mesiko
tenpo	UTC-5 tawa UTC-8
ISO 3166	MX
lipu ilo	https://www.gob.mx/

ma Mesiko li lon ma Amelika lete li lon poka pi ma Mewika li lon poka pi ma Katemala li lon poka pi ma Peli. ma Mesiko li lon poka pi telo suli Pasipi li lon poka pi telo suli Kawipen li lon poka pi telo suli pi ma Mesiko.

ma Mesiko li suli. jan mute li lon ma ni.

nimi

tenpo pini la ma Epanja sin li pini. tenpo ni la jan Mesiko li pana e nimi sin tawa ma ona. nimi ni li sama nimi pi ma tomo lawa ona. ma tomo lawa ona li México lon toki Nawa.

nimi "México" li nimi tu. nimi nanpa tu li -co li "ma." jan sona li pilin en ni: nimi nanpa wan li kama tan nimi Mexitl. nimi ni li nimi nanpa tu pi jan sewi Huitzilopochtli. ken la México li "ma pi jan sewi Huitzilopochtli" tan ni. jan sona ante li pilin e ni: nimi México li nimi mute (tu wan). nimi nanpa wan li metzli li "mun" lon toki pona. nimi nanpa tu li xictli li "insa" lon toki pona. nimi nanpa tu wan li "-co" li "ma" lon toki pona. nimi ni li wan la ona li toki e ni: "ma lon insa mun." telo Texcoco li "telo mun" lon toki pona. tenpo pini la ma tomo Mesiko li lon insa telo Texcoco. ken la nimi "México" li "ma lon insa mun" tan ni.

tenpo pini

tenpo mute pini la ma Mesiko li ma pi kulupu lawa Olime pi kulupu lawa Maja pi kulupu lawa Nawa. tenpo ni li pini la jan Epanja li kama tawa ma Mesiko li anpa e jan ona.

tenpo pi kulupu lawa Epanja li pini la ma Mesiko li utala e kulupu Epanja li weka e ona. jan Mike Itako (Miguel Hidalgo y Costilla) li jan lawa pi utala ni.

tenpo pi kulupu lawa Mesiko la jan Antonjo Lope Te Santa Ana (jan Antonio López de Santa Anna) li jan suli pi kulupu lawa. ona li lawa e ma Mesiko. ona li wile lawa wawa e ma Mesiko. taso jan pi ma Tesa li wile ala e lawa ona. ma Tesa li weka tan ma Mesiko tan ni. tenpo ni la ma Mewika li kama jo e ma Tesa. taso ni li ike tawa kulupu lawa Mesiko.ona li utala e ma Mewika tan ni. taso ma Mewika li anpa e ma Mesiko li weka e ma mute ona. ma ni li ma Kaliponija li ma Niwata li ma Juta li wan pi ma Kolowato en ma Ewisona en ma Numesiko en ma Wajomin.

ma

ma kipisi

ma lili	nimi toki Epanja	ma tomo lawa	nanpa jan
ma Awakalijente	Aguascalientes	ma tomo Awakalijente	1,49,34,59
ma Kaliponja anpa	Baja California	ma tomo Mesikali	3,77,90,50
ma Kaliponja anpa seli	Baja California Sur	ma tomo Pa	87,24,39
ma Kanpese	Campeche	ma tomo Kanpese	94,94,81
ma Sijapa	Chiapas	ma tomo Tuta Kusijele	5,91,48,79
ma Siwawa	Chihuahua	ma tomo Siwawa	3,90,06,29
ma Kowawila	Coahuila	ma tomo Sasijo	3,45,75,16
ma Kolima	Colima	ma tomo Kolima	71,94,45
ma Tulanko	Durango	ma tomo Tulanko	1,89,05,63
ma Wanakuwato	Guanajuato	ma tomo Wanakuwato	6,31,35,04
ma Kelelo	Guerrero	ma tomo Sipansinko	3,60,31,88
ma Itako	Hidalgo	ma tomo Pasuka	3,22,29,94
ma Kaliko	Jalisco	ma tomo Watalakala	8,73,24,95
ma kipisi Mesiko	México	ma tomo Toluka	17,72,82,16
ma tomo Mesiko	Ciudad de México	ma tomo Mesiko	9,35,25,17
ma Misowakan	Michoacán	ma tomo Molelija	4,94,36,02
ma Molelo	Morelos	ma tomo Kuwenawaka	1,96,41,64
ma Najali	Nayarit	ma tomo Tepi	1,23,72,93
ma Lejon sin	Nuevo León	ma tomo Montele	6,13,06,41
ma Wakaka	Oaxaca	ma tomo Wakaka	4,24,27,91
ma Puwepa	Puebla	ma tomo Puwepa	6,58,68,05
ma Keletalo	Querétaro	ma tomo Keletalo	2,53,06,55
ma Kintanalo	Quintana Roo	ma tomo Setuma	1,91,72,52
ma San Luwi Potosi	San Luis Potosí	ma tomo San Luwi Potosi	2,87,40,10
ma Sinalowa	Sinaloa	ma tomo Kulijakan Losale	3,16,97,60
ma Sonola	Sonora	ma tomo Emosijo	3,03,99,67
ma Tapako	Tabasco	ma tomo Wijawemosa	2,53,79,61
ma Tamalipa	Tamaulipas	ma tomo Witolija	3,57,57,56
ma Takala	Tlaxcala	ma tomo Takala	1,46,99,00
ma Pelaku	Veracruz	ma tomo Kalapa	8,09,35,17
ma Jukatan	Yucatán	ma tomo Melita	2,37,54,03
ma Sakateka	Zacatecas	ma tomo Sakateka	1,67,42,27