o tawa ijo lipu

ma Mosijo

o ante e linja
tan lipu lipu Wikipesija
(tan nimi "ma Masija")
ma Mosijo
Magyarország
len ma
sitelen lawa
kalama musi ma
Himnusz
(kalama musi sewi)
ma tomo lawa ma tomo Putape
toki lawa toki Mosijo
jan lawa jan Sujo Tama
jan Opan Wito
tenpo open tenpo sike 895 (tenpo nanpa wan)
(tenpo sike 1989 ma lawa pi tenpo ni)
mani mani Polin (Ft) (HUF)
tenpo UTC+1
ISO 3166 HU

ma Mosijo (toki Mosijo la: Magyarország) li ma lawa lon ma Elopa. ona li lon poka pi ma ni: ma Lomani en ma Lowenki en ma Lowasi en ma Esalasi en ma Sopisi en ma Ukawina. telo suli li lon ala poka. ijo lawa li toki Mosijo li ma tomo Putape. tenpo sike nanpa MATT la ona li kama lon kulupu ma Elopa. nimi Mosijo li tan kulupu jan Maja. poka pi tenpo sike nanpa LTWA la kulupu ni li kama awen lon ma Mosijo.

insa pi sike nanpa LTWAMMMMLLLW pi sike nanpa LLLAMLW

[o ante | o ante e toki ilo]

kulupu Maja li kama lawa e ona sama li pali e ma Mosijo lon tenpo sike nanpa LTWAMMMMLLLW. kulupu ni li kama tan ma pi kama suno pi ma Elopa. open la jan Apa li lawa e ma Mosijo li open e kulupu mama ni: ona li lawa e ma. ni la kulupu li nimi Apa. ni li kulupu mama lawa pi tenpo nanpa wan pi ma Mosijo. jan Apa li pini lawa la jan Tepano li open lawa e ma Mosijo. ma Mosijo li kama ma pi kulupu mama lawa.

tenpo sike nanpa LLTAMMW la ma suli Monko li utala li kama lawa e ma Mosijo. ni la jan lawa Pila nanpa tu tu (toki Mosijo: IV. Béla) li weka tan ma Mosijo. mute pi jan pi kama moli li lon poka pi nanpa MMLLAA. ijo mute en tomo mute li kama pakala. sike nanpa LLTWAW la jan ale pi tomo Apa li moli. tenpo la jan pi kulupu mama lawa ante li lawa e ma Mosijo. ona pi suli nanpa wan li jan Mateja Kowin (toki Lominija: Matia Corvin). ona li suli tan ni: ona li kama lawa e ma mute pi ma Esalasi pi tenpo pini. ma Wijen li ona wan. jan Metja Kowin li awen e ma ni tan wile lawa pi ma suli Osoman. taso la ona li moli la sike nanpa LLTAMMMMLL la jan lawa Sutan Suleman pi ma Osuman li anpa e jan lawa pi ma Mosijo lon utala pi ma Mowa lon tenpo sike nanpa LLLAMLW. ma Mosijo li kama tu wan. sitelen ma la poka sewi en poka pi weka suno li awen ma Mosijo, taso ma Osuman li kama lawa e poka anpa. poka pi kama suno li kama ma Ate. ma Ate li lawa lili e ona sama, taso ma Osuman li lawa suli e ona. wile pi ma Osuman la ma Ate li anpa tawa ma Osuman.

insa pi sike nanpa LLLAMLW pi sike nanpa LLLTWAMMMLT

[o ante | o ante e toki ilo]

kulupu Apisu (toki Tosi: Habsburg) pi ma Wijen li kama lawa e ma Mosijo tan ni: tenpo sike nanpa LLLALLL la ma Wijen li toki e ni: kulupu mama lawa pi ma lili Seki (kulupu mama Jokalasu) pi ma Mosijo li kama moli la ona li kama lawa e ona. sike nanpa LLLWMMMMLW la ma Osuman li pini ken utala la ona li weka. ni la ma tu wan li kama wan sin. tenpo ni la jan pi ma mute ante ni li lon ma Mosijo: ma Lowenki en ma Sopisi en ma Lomanija en ma Tosi. jan li pana e nimi Tonasuwapun (toki Tosi: Donauschwaben) tawa jan Tosi pi ma Mosijo pi tenpo ona.

jan Lakosi Pelensu nanpa tu (toki Mosijo: II. Rákóczi Ferenc) li jan pi ma Mosijo li jo e mani mute. jan ni li open e utala li wile weka e kulupu Apisu, taso utala pi wile ona li kama ala. jan li weka e ona tawa ma ante weka lon tenpo sike nanpa LLLTALLW. tenpo sike nanpa LLLTWAMMLTW la sin la jan mute pi ma Mosijo li wile weka e lawa pi kulupu Apisu. kulupu Apisu li kama sewi lon utala ni la ona li awen lawa li moli e jan lawa utala tan pali ike.

insa pi sike nanpa LLLTWAMMMLT pi sike nanpa LLLTTALLLTW

[o ante | o ante e toki ilo]

kulupu Asipu li wile kulupu li wile wan e wawa kulupu la ona li wan e ma Mosijo e ma Esalasi. ma ante li lon kulupu Asipu, taso ma Mosijo en ma Esalasi li suli tawa kulupu la ni tu li kama wan. ni li kama e ma Esalasi Mosijo li pona e mute mani pi ma ni, taso ma li awen kepeken nasin lawa mama.

ijo suli pi ma Mosijo

[o ante | o ante e toki ilo]

leko Lupiko li ijo musi tan jan Lupiko Eno pi ma Mosijo.

namako pi ma Mosijo li moku pi kili loje seli.


tan https://tok.wikipedia.org/w/index.php?title=ma_Mosijo&oldid=14058