ma Losi en ma Ukawina li utala
 | ijo toki lon lipu ni li sin mute li awen kama lon tenpo ni. sina ken sin e ona. |
tenpo sike nanpa 2014 la ma Losi li utala e ma Ukawina. tenpo sike nanpa 2026 la utala ni li awen. tenpo sike nanpa 2022 la ma Losi li suli e utala.
pini la, jan mute pi ma Ukawina li toki utala tawa lawa ma ona. jan Wito Janukowi li jan lawa pi ma Ukawina. ona li weka e toki kulupu pi wan Elopa. jan mute li wile weka e lawa pi ma Ukawina, li pilin ike tawa ma Losi, li pilin pona tawa kulupu ma Elopa. toki utala Jelomatan(?) la jan lawa pi ma Ukawina li lukin pakala e jan toki, li moli e ona. jan lawa pi ma Losi li pilin pona tawa ni. taso jan pi toki utala li anpa e lawa ona, li pali e lawa sin. jan Wito Janukowi li tawa ma Losi.
kulupu utala pi ma Losi li tawa ma Kilin. taso ona li jo ala e len utala pi ma Losi. ona li tawa ma Kilin, li moli e jan, li monsuta e jan, li nasa e toki nasin. tan ante lawa(?) nasa la lawa pi ma Kilin en ma tomo Sewatapo(?) li weka tan ma Ukawina. ma Losi li lanpan e ona. ni li open e utala. ma Losi li lanpan e ma Kilin.
jan mute pi toki Lusi li lon ma Ukawina pi open suno, li toki utala tawa lawa sin pi ma Ukawina. jan ni la, ma tomo Tonesiki en ma tomo Lukansiki li open weka tan ma Ukawina li toki e lawa sin. ma Losi li pana e ilo utala e kulupu utala tawa ma ni.
tenpo sike nanpa 2021 la, kulupu utala pi ma Losi li tawa insa pi ma Ukawina tan ma ona, tan ma Pelalusi. tan ma Pelalusi la, kulupu utala li lanpan e tomo wawa Sonlopeli li tawa ma tomo Kiju. ma Losi li pana e ilo pakala mute lon ma tomo pi ma Ukawina. jan mute li moli. lawa pi ma mute li toki ike li pini e ni: ona en ma Losi li ken esun.
open pi tenpo sike nanpa 2026 la ma Losi li utala ike e ma Ukawina. ma Ukawina li lanpan e ma pi km 200 leko: ni li pona e ma Ukawina, li pana sona e ma ante la ma Ukawina li pona e utala ona pi ma Losi. ma Mewika en ma Isale li utala e ma Ilan: ni li ike e ma Ukawina tan ni: ma Ukawina li wile e ilo utala pi ma Mewika anu ma Elopa.