ma Kupa
| ma Kupa
República de Cuba | |
|---|---|
 len ma |
 sitelen lawa |
 | |
| ma tomo lawa | ma tomo Apana |
| ma suli | ma Amelika |
| toki lawa | toki Epanja |
| nasin lawa | nasin pi pali kulupu |
| mani | mani Peso pi ma Kupa (CUP) |
| ISO 3166 | CU |
ma Kupa (toki Epanja: Cuba) anu ma Kuwa (toki Epanja pi ma Kuwa: Cuba /kuβa/) li ma lon ma Amelika lete lon telo Kalipi.
tenpo pini la ma Epanja li lawa e ma ni. tan ni la, toki Epanja li toki lawa pi ma Kupa.
ma tomo lawa pi ma ni li ma tomo Apana. kulupu lawa ona li alasa kepeken nasin pi jo kulupu.
ma Kupa li lon poka tawa ma Mewika tawa ma Sameka tawa ma Pajama tawa ma Awisi.
tenpo pini
[o ante | o ante e toki ilo]jan nanpa wan pi ma Kupa li kulupu jan Teno (Taíno) li kulupu jan Kanajatape (Guanahatabey). tenpo sike nanpa 1492 la jan Kitopa Kolon li kama tawa ma Kupa. jan pi ma Epanja li kama lawa e ma Kupa. tenpo sike nanpa 1895 la, jan pi ma Kupa li kama utala e ma Epanja tan ni: ona li wile weka e lawa pi ma Epanja. tenpo sike nanpa 1899 la ma Mewika li esun e ma Kupa tan ma Epanja. ma Epanja en ma Mewika li utala la ni li lon tenpo pini. ma Kupa li kama ma lawa sin lon tenpo sike nanpa 1902. taso, ma Mewika li pali mute kin lon nasin lawa ona. tenpo sike nanpa 1959 la ma Kupa li kama utala li weka e kulupu lawa ona li anpa e lawa pi ma Mewika. jan Pite Kaso (Fidel Castro) li kama jan lawa sin.