ma Kosalika

ma Kosalika Costa Rica
ma lawa
len ma	sitelen lawa
ma tomo lawa	ma tomo Sankose
ma suli	ma Amelika insa
toki lawa	toki Epanja
toki ante	toki Pipi toki Mekatelu
mani	mani Kolon pi ma Kosalika (₡) (CRC)
tenpo	UTC-6
ISO 3166	CR

ma Kosalika (Costa Rica) anu ma Kotalika li ma lawa lon ma Amelika insa. ma tomo Sankose li ma tomo lawa li ma tomo suli nanpa wan pi ma Kosalika. toki Epanja li toki lawa pi ma Kosalika. taso, jan lili pi ma Kosalika li toki kepeken toki Pipi, kepeken toki Mekatelu.

tenpo pini la kulupu jan nanpa wan pi ma Amelika li jan taso pi ma Kosalika. tenpo kama pi tenpo ni la ma Epanja li anpa e ma Kosalika. tenpo sike tu wan pi tenpo kama pi tenpo sike nanpa 1821 la ma Kosalika li ma lili pi ma Mesiko. tenpo kama lili pi tenpo ni la ma Kosalika li ma lili pi ma Sentewojamelika. ma Kosalika li kama ma lawa lon tenpo sike nanpa 1847. pini pi utala kipisi pi ma Kosalika lon tenpo sike 1847 la ma Kosalika li weka e kulupu utala ona. tenpo lon la ma Kosalika li jo ala e kulupu utala.