ma Ele lete

ma Ele lete Northern Ireland
kalama musi ma
(mute)
ma Ele lete lon kulupu ma Piten
ma tomo lawa	ma tomo Pepate
ma suli	ma Juke
toki lawa	toki Inli
toki ante	toki Kelike toki Suko pi ma Use
mani	mani Pon pi ma Juke (£)
tenpo	UTC-0
ISO 3166	GB-NIR

ma Tuwese Ele anu ma Nosan Alan anu ma Nolin Elan (toki Kele la: Tuaisceart Éireann /ˈt̪ˠuəʃcəɾˠt̪ˠ ˈeːɾʲən̪ˠ/, "ma Ele lete", toki Inli la: Northern Ireland, toki Sukosi la: Norlin Airlann) li ma lon ma Ele. ma Juke li lawa e ona. ona li lon poka pi ma Ele lawa. ona li jo e kipisi ma luka wan pi ma lili Use.

ma Tuwese Ele li kama tan ni: jan pi ma Ele li utala tawa ni: ma Juke o lawa ala. taso, jan mute lon ma Use li jan pi nasin sewi Potesu li wile awen lon ma Juke. ma pi jan mute ni li kipisi tan ma Ele ante. tenpo sike nanpa 1921 la, ma Ele ante li kama ma lawa sin, taso ma Ele lete li awen lon ma Juke. taso, ona li jo e kulupu jan pi nasin sewi Katolika. kulupu ni li wile e lawa tan ma Ele. tan ni la, utala mute li kama. jan mute li wile e lawa tan ma Ele la jan ni li toki e ni: kulupu lawa li ike tawa ona.

tan tenpo sike nanpa 1960 tawa tenpo sike nanpa 1970 la, utala sin li kama tan ni: jan pi kulupu Katolika li wile ante. taso, jan pi kulupu Potesu li pilin ante. nimi ona li utala Tupe (toki Inli la: The Troubles). utala suli ni li pini lon tenpo sike nanpa 1997 tan ni: ona li toki tawa pini utala tawa ante. taso, utala lili li ken kama lon tenpo ni.