ma Awawi

lipu ni li toki e ma kipisi. ma lili la o lukin e lipu “ma lili Awawi”.

ma Awawi Hawaii (toki Inli) Hawaiʻi (toki Awawi)
ma kipisi
len ma	sitelen lawa
ma Awawi lon ma Mewika (loje)
ma tomo lawa	ma tomo Onolulu
ma tomo pi mute jan nanpa wan	ma tomo Onolulu
ma suli	ma Mewika
toki lawa	toki Inli toki Awawi
mute jan	1,446,146
ISO 3166	US-HI

ma Awawi (toki Inli la: Hawaii /həˈwaɪ.i/, toki Awawi la: Hawaiʻi /haˈwai̯.ʔi/) li ma kipisi pi ma Mewika, li kulupu pi ma lili. ma tomo Onolulu li ma tomo lawa ona li jo e mute jan pi suli nanpa wan lon ma Awawi.

sona pi lon ona

tenpo pini weka la jan pi ma Polinesija^(?) li kama lon ma Awawi. tenpo sike 1778 la jan pi ma Inli^(?) li sona e ma Awawi li nimi e ona kepeken nimi ni: "ma Senwi". ona li pana e nimi ni tan ni: jan lawa Senwi li lon. jan Awawi li moli tan ni: jan Inli li pali e esun li pana e jaki tawa jan Awawi. jan pi ma ante li wile e kasi palisa suwi. 

tenpo pi utala nanpa tu la jan utala Nijon li utala e ma lili Awawi, la ma Mewika li kama lon utala nanpa tu.

tenpo sike 1959 la ma Awawi li kama ma kipisi pi ma Mewika.

sona ma

ma lili ale pi ma Awawi li kama lon tan ni: nena seli li pana e ko seli mute la, ko li kama kiwen, li kama ma. kulupu Awawi pi ma lili li jo e ma suli luka tu wan. ona li ma lili Mawi, li ma lili Awawi, li ma lili Owaju, li ma lili Kawawi, li ma lili Molota, li ma lili Lanawi, li ma lili Nija, li ma lili Kajolawe.

ma Mewika