ma Alensina
| ma Alensina
Argentina | |
|---|---|
 len ma |
 sitelen lawa |
| kalama musi ma | |
| Himno Nacional Argentina (kalama musi ma pi ma Alensina) | |
 | |
| ma tomo lawa | ma tomo Puwenosale |
| toki lawa | toki Epanja |
| jan lawa | jan Kapije Mile |
| mani | mani Peso pi ma Alensina |
| tenpo | UTC-3 |
| ISO 3166 | AR |
| lipu ilo | https://www.argentina.gob.ar/ |
ma Alensina (toki Epanja la: Argentina /aɾxenˈtina/) anu ma Akensina li lon ma Sulamelika. tenpo pini la lawa Epanja li lawa e ona. nimi Argentina li tan ni: ona la kiwen mani walo li lon.[1]. ma Alensina la jan li ken kepeken nimi mute[2]. taso tenpo ni la jan li kepeken nimi República Argentina anu nimi Argentina lon tenpo pi mute nanpa wan.
poka pi ma ni la ma Pasiju en ma Palawa en ma Polipija en ma Sile en ma Uluwa li lon.
tenpo pini
[o ante | o ante e toki ilo]tenpo pini weka la, kulupu mute li lon ma ni. taso, kulupu pi ma Elopa li kama la, ona li alasa lawa e ma ni. lawa Epanja li kama lawa e mute pi ma Amelika. ma ni li kipisi li ma mute. tenpo sike nanpa 1776 la, lawa Epanja li kipisi e ma li kama e ma Lilopata (toki Epanja la: Río de la Plata, "telo pi kiwen mani walo") tan ma Ato Pelu (toki Epanja la: Alto Perú, "ma Pelu sewi"). ma ni la, ma tomo Wenosaje li lon li lawa.
jan Napolejon Ponapa li kama lawa e ma Epanja la, kulupu Epanja li ken ala lawa e ma Lilopata. ni la, sike nanpa 1810 la mun nanpa 5 la suna nanpa 25 la, kulupu lili pi ma tomo Wenosaje li kama kulupu lawa sin. jan Napolejon li kama weka la, ma tomo Epanja li lawa sin e jan Penanto nanpa LT pi lawa Epanja (toki Epanja la: Fernando VII). taso, ma tomo Wenosaje en mute pi ma Lilopata li wile ala e jan lawa pi ma Epanja. tenpo ni la ma tomo Wenosaje li lawa e ma suli lon ma Lilopata. kulupu mute pi ma Lilopata li utala e kulupu Epanja, li kama lawa. kulupu ma (toki Epanja la: Provincias Unidas del Sur) li kama wan. taso, mute pi ma Lilopata li kama lon ma ante. ma ni li ma Uluwa, li ma Palawa, li ma Polipija, li lili pi ma Pelu, li lili pi ma Sile.
tenpo ni la, ma tomo Wenosaje li wile suli mute li wile lawa e kulupu ma ni. ni la, jan mute pi ma ni li pilin ike li wile e ni: ma ona en ma Wenosaje en ma ante ale li wan ala. lawa utala mute li kama tan utala pi ma Epanja pi ma Lilopata, li lawa e ma mute ni. ni la, lawa pi ma insa en lawa pi ma Wenosaje li wile e nasin lawa ante, la ona li utala.
utala li awen lon tenpo mute. lawa ma li ante mute. taso, tenpo sike nanpa 1852 la, jan Ukisa li anpa e jan Losa, la utala li pini. tenpo sike kama la, kulupu lawa li open pali e ma wan, li lon e lipu lawa nanpa wan. lipu lawa suli ni li ante lili lon tenpo. taso ona li awen lawa e ma Alensina lon tenpo ni.