ma

lipu ni li toki e kipisi pi telo ala lon mun sike mi. mun sike mi la o lukin e lipu "sike ma". ko li mute lon ma la o lukin e lipu “ko ma”.

o lukin e nimi ni lon lipu nimi: nimi:ma

telo li lon poka ale pi ma ni: ma li lon ma Ponwi^(?) pi ma Kaliponja.

ma li selo pi sike ma li kiwen li lon anpa telo ala. selo 29,2% pi sike ma li ma. ona li ma lili anu ma wan suli. wile jan la, ma ale li kama kipisi tawa ma suli. ma suli li jo e ma wan suli anu kipisi pi ma wan suli, e ma lili mute lon poka ona.

ma li jo e kiwen e ko, li mama e selo kiwen pi sike ma. ona li suli tawa nasin pi kon ma, li lon sike pi wan Kapon, li lon sike pi wan Nitoken, li lon sike telo^(?). ma li kama kipisi tawa kipisi tu wan la, kipisi ni wan li jo e kasi kiwen mute mute. kipisi ante wan li tawa ni: jan li lon e kasi lon ona tawa wile jan. kipisi ante kin wan li jo e ijo mute. mute 10% pi kipisi ni li lete mute. mute ante pi kipisi ni li seli mute.