lipu sewi pi toki pona
lipu sewi pi toki pona li pali suli pi toki pona li wile ante toki e ale pi lipu Pipija tawa toki pona. ante toki tan pali suli ni li mani ala.[1] tenpo suno nanpa 13 pi tenpo mun nanpa 11 pi tenpo sike nanpa 2022 la jan Kupa li open e ni. tenpo suno nanpa 3 pi tenpo mun nanpa 2 pi tenpo sike nanpa 2024 la kipisi luka tu wan ale mute mute mute luka luka tu tu[nnp] (kipisi tu ala tu wan ale [nnp] tan kipisi sama ale) lon kipisi tu wan ale mute mute mute mute tu tu ale mute mute luka luka[nnp] li lon toki pona.[2]
lipu kalama Sona Sewi la jan li toki e kipisi pi toki pona lon lipu Pipija, sitelen tawa nanpa wan ona li toki lon lipu pi jan Jona (ali pi lipu ni li lon toki pona) li tan tenpo suno nanpa 23 pi tenpo mun nanpa 9 pi tenpo sike nanpa 2023.[3]
nasin pi ante toki
[o ante | o ante e toki ilo]kulupu jan ni li pana e pona tawa ante toki pi lipu Pipija: jan pi ante toki en jan pi alasa pakala en jan sona pi lipu Pipija. tenpo nanpa wan la jan pi ante toki li ante toki e lipu Pipija li pana e ona tawa ilo Siko, tenpo nanpa tu la jan pi alasa pakala li lukin e ijo pi ante toki li lukin e nasin toki. pini la jan sona pi lipu Pipija li lukin e ona, ante toki li ken la jan li pana e ona tawa lipu Kita (toki Inli la: GitHub).[4]
tan sona
[o ante | o ante e toki ilo]- ↑ ni li tan "PaulieGlot/lipu-sewi: A long-standing project to translate the Bible into toki pona".
- ↑ jan Jonatan li toki e ni lon "Monthly Toki Pona Bible Project update #24" lon tenpo 2024-2-5.
- ↑ lipu sewi pi toki pona li toki e ni lon "lipu kalama nanpa wan: lipu pi jan Jona" lon tenpo 2023-9-23.
- ↑ lipu sewi pi toki pona li toki e ni lon "the project".