lipu sewi Kulan la toki jan

jan li toki Al-Nas kepeken nasin Musawa

Al-Nas (toki Alapi la: ٱلنَّاس, "toki jan") li toki (Sula) nanpa 114, li toki nanpa pini lon lipu sewi Kulan. kipisi lili (Aja) 6 li lon ona.

toki ni en toki pi open suno (Al-Falaq) li jo e kon pi sama mute. ni la, jan li pana e nimi "Al-Mu'awwidhatayn" ("toki tu awen") tawa ona.

toki ni li toki pi ma Maka.

ken (Suna) la, jan li toki ni lon poka pi jan pi pakala pilin, li toki e ni lon tenpo poka pi lape ona.