lipu ku

lipu ku (toki Inli: Toki Pona Dictionary, "lipu nimi pi toki pona") li lipu nimi tan anpa sewi pi toki pona. lipu la anpa sewi li pana e sona nimi tan kulupu pi toki pona lon ilo Siko li pona e pakala pi lipu pu. lipu li pana e nimi sin mute li kulupu e ona. kulupu wan li nimi ku suli. kama sona pi anpa sewi la jan mute li pana e nimi ni. kulupu ante li nimi ku lili. kama sona ona la jan pi mute lili li pana e nimi ni. jan li ku la ona li kepeken lipu nimi ni pi anpa sewi sama nimi pu. nimi ku li nimi ale pi lipu ni.

insa

lipu li lon kulupu mute. open la anpa sewi li pana e toki pi lipu pu. insa li jo e lipu nimi ale. ni li kulupu pi suli nanpa wan. pini la ona li pana e pali musi kulupu.

toki pi lipu pu

open pi kulupu ni la anpa sewi li toki e ni: lipu pu li wile lipu pi moli ala. ni la ona li pana e ante lili ona. ona li pana e nasin ante kulupu li pona e pakala li suli e toki pi lipu pu.

nimi "seli"

lipu pu la sona pi nimi seli li toki ala e ni: nimi "seli" li ken nimi ijo. taso ona li toki e kon pi nimi ijo pi nimi "seli".

lipu ku la nimi "seli" li ken nimi ijo.

nimi "nasa"

lipu pu la nimi "nasa" li jo e kon ni: "jan pi nasin toki insa pakala". taso kon ni li ike tawa jan mute.

lipu ku la kon ni li weka tan nimi "nasa".

lipu nimi pi toki pona

lipu nimi li lon kulupu tu. kulupu lipu nanpa wan li tan toki Inli tawa toki pona. kulupu lipu nanpa tu li tan toki pona tawa toki pona.

open la anpa sewi li pana e sona pi kepeken lipu. lipu nimi li jo e sitelen pi jan Wakon.

pali musi

kulupu lipu ni la anpa sewi li pana e pali musi kulupu. ona tu li toki musi. pali ante li nasin nanpa nasa musi.

kama sona pi anpa sewi

anpa sewi li wile sona e nasin nimi kulupu lon ma pona pi toki pona (lon ilo Siko). ona li pali e lipu pi alasa sona mute. nimi mute li lon lipu ni tan alasa sona. jan kulupu pi ilo Siko li pana e sona tawa anpa sewi. anpa sewi li pali e lipu pi nimi ni. sona pi alasa sona ni li lon lipu ku.

kulupu pi nimi ku

lipu li pana e nimi ku lon kulupu tu.

nimi ku suli

jan mute pi toki pona li pana e nimi la ona li nimi ku suli:

nimi ku lili

jan mute pi toki pona li kepeken lili anu kepeken ala nimi la ona li nimi ku lili. nimi pi sitelen “*” li nimi lipu li nimi ala.

o lukin kin

o lukin e lipu ku kepeken mani ala

o lukin