lipu Wikinanpa
lipu Wikinanpa (toki Inli: Wikidata) li lipu ilo li poki sona, jan ale en ilo sona li ken ante e ona. kulupu Wikimesija li pali li lawa e ona[1]. ona li jo e poki sona lon lipu li jo e linja tawa pi lipu ante tan kulupu Wikimesija.
| lipu Wikinanpa | |
| Wikidata | |
 | |
 lipu open ona | |
| toki | mute |
| jan jo | kulupu Wikimesija |
| linja | https://wikidata.org/ |
| esun | ala |
| tenpo open | tenpo suno nanpa 30 pi tenpo mun nanpa 10 pi tenpo sike nanpa 2012 |
tan
[o ante | o ante e toki ilo]kulupu Wikimesija lon ma Tosi li open e ni tan ni: pana e sona lon tawa lipu Wikipesija.[2]
pali ona
[o ante | o ante e toki ilo]pali pi lipu Wikinanpa li jo e kipisi tu wan:
- kulupu e linja tawa pi lipu pi toki pi sama ala lon lipu Wikipesija
- pana e sona tawa poki sona lon lipu Wikipesija
- sin anu pali e lipu kepeken lipu Wikinanpa
lipu lon lipu Wikinanpa li sama ni: sitelen lili wan sinpin en nanpa monsi. jan en ilo sona li ken pana e sona tawa poki sona li ken pana e nimi lon toki pi sama ala tawa ona. lipu Wikinanpa la, lipu Q1 pi lipu Wikinanpa li jo e nimi pi kon "ale" lon toki pi sama ala, li jo e poki sona lon anpa, e linja tawa pi lipu ante pi kulupu Wikimesija, lipu ante ona li sama ni.
sitelen lawa
[o ante | o ante e toki ilo]sitelen lawa ona li nimi "WIKI" lon sitelen Mosi.
tan sona
[o ante | o ante e toki ilo]- ↑ Roth, Matthew li toki e ni lon The Wikipedia data revolution lon tenpo 2012-3-30. (o lukin e ona lon lipu Internet Archive.)
- ↑ MarketWatch li toki e ni lon Data Revolution for Wikipedia.[linja pakala]