ilo Wesi
(tan nimi "lipu Wesi")
ilo Wesi anu lipu Wesi (toki Inli la: Reddit) li ilo pi toki kulupu. jan li ken pana e toki e linja e sitelen e sitelen tawa. jan ante li ken sewi li ken anpa e ijo. jan li sewi mute e ijo la ona li kama lon lipu open pi ilo Wesi. kulupu ante mute li lon. nimi kulupu lon toki Inli li "subreddit". jan kepeken li ken lawa e kulupu. taso jan pi kulupu Wesi li lawa e ona ale.
ona li open lon tenpo sike nanpa 2005. mama ona li jan Si Juman (Steve Huffman) li jan Alesi Ojanijan (Alexis Ohanian).
tenpo ni la jan lon ma Sonko li ken ala kepeken lipu Wesi tan lawa linluwi pi ma Sonko[1].
kulupu Place
[o ante | o ante e toki ilo]
lipu suli: r/place
tomo Place li pali musi pi jan mute. tenpo la, jan li ken pana e leko kule wan. ona li kama tan tenpo suno musi pi tenpo mun nanpa tu tu.