lipu Pelesi

lipu Pelesi (toki Iwisi la: בְּרֵאשִׁית Bəreʾšīt, "tenpo open la") li lipu nanpa wan, lon lipu Tola, lon lipu Tanaka, lon lipu Pipija. nimi ona li kama tan nimi nanpa wan ona. toki Elina la, nimi pi lipu ni li lipu Kenesi (toki Elina la: Γένεσις Génesis, "nasin mama"). lipu ni li toki e ni: nasin seme la, ale li kama lon? kin la, ona li toki e tenpo pini pi jan ale, e mama mute pi kulupu jan Jejuta.

jan mute li pilin e ni: lipu ni en lipu ale pi lipu Tola li kama tan jan Mose.

toki pi lipu

pini ma ale la ijo lon ala. sewi li pali e ma ale lon tenpo suno luka wan. tenpo suno nanpa luka tu la sewi li lape. ijo pi tenpo suno nanpa luka wan li jan tu: jan Ata en jan Awa. sewi li toki tawa kulupu ni e toki wan: "o moku ala e kili tan kasi suli pi sona pi pona en ike." akesi ike li toki tawa jan Awa e "o moku e kili tan kasi suli pi sona pi pona en ike." jan Awa li moku e kili tan kasi suli li pana e kili tawa jan Ata. sewi li pilin ike li toki tawa jan Ata en jan Awa: "sina kute ala e mi. o tawa tan tomo kasi ni!"

sewi li toki la, jan Nowa li pali e tomo tawa lon telo. jan li ike la, sewi li wile telo li wile pakala e ma. taso, sewi li wile e ni: jan Nowa o awen e jan e soweli. soweli ale li tawa tomo telo pi jan Nowa. telo li kama. tenpo pimeja mute mute en tenpo suno mute mute la sewi li pana e telo. telo li moli e jan ale e soweli. taso, jan Nowa en jan lili en soweli lon tomo telo li awen.

telo li weka la, jan Nowa li pali e tomo sewi. sewi li toki e ni: tenpo kama la, sewi li pakala ala e ma.

tomo telo pi jan Nowa