ilo Matoton
(tan nimi "lipu Matoton")
.svg)
ilo Matoton (toki Inli la: Mastodon) li ilo pi toki lili lon ilo sona. ona li sama mute ilo Tuwita. taso toki ilo pi ilo Matoton li wile ala e mani. jan ale li ken kepeken ona. ilo Matoton li lon ma wan ala li lon ma mute. ona li open lon tenpo sike 2016.
jan li ken pana e toki e sitelen e sitelen tawa lon ilo Matoton. jan ale li lon kulupu wan. taso ona li ken toki tawa jan tan kulupu ante. jan ale li ken pali e kulupu sin (kepeken toki ilo pi mani ala) li ken lawa e ona lon nasin pi wile ona. kulupu ale pi ilo Matoton en ilo sama li lon kulupu wan pi ilo nanpa. nimi pi kulupu ni li "ma Petewe" (toki Inli la: Fediverse).
linja tawa lipu ante
[o ante | o ante e toki ilo]- lipu open pi ilo Matoton
- toki.social - kulupu pi toki pona lon ilo Matoton.