lipu

lipu li ken ijo tu:

ona li jo e sitelen tawa ni: ona li pana e nasin pali anu nasin sona tawa jan.
ona li suli tan poka wan tawa poka ante, li suli tan anpa tawa sewi. taso, ona li lili tan sinpin tawa monsi. mute la, jan li ken sike lili e ona.

lipu kasi

lipu kasi li lipu li tan kasi. jan li pali e ona la, jan li pakala e kasi li pana e telo tawa ona li kama e ko. jan li pana e ko kasi ni lon poki supa li seli e telo tan ona. ni la, ko li kama lipu.

mute la, jan li sitelen lon lipu kasi. ante la, jan li kepeken lipu kasi tawa mani tawa weka jaki tawa poki.

lipu toki

lipu toki li suli tawa musi tawa sona. jan li sitelen e sona lon lipu kepeken sitelen. sitelen toki lon lipu li lipu toki. sina ken lukin e lipu toki li ken kama sona e sona pi jan sitelen. lipu sona Wikipesija kin li lipu toki sona lon ilo sona.

nasin pi lipu toki li toki musi. taso, toki musi li ken kepeken lipu ala.

lipu toki
lipu toki pi ilo sona