linja pi pini wawa

ilo pi wawa linja^(?) la, linja pi pini wawa li pini e wawa linja pi mute ike lon linja wawa tan ni: wawa li mute ike la, seli li ken kama lon. kipisi suli ona li ni: linja kiwen li kama telo lon wawa pi mute ike, la wawa li pini. ona li kama telo la jan li wile pana e ona sin tawa linja wawa.

ilo pi wawa linja li kepeken linja pi pini wawa lon tenpo suli tan ni: ona li wile ala e ike. tenpo ni la ona li mute. wawa suli en suli pakala en tenpo pilin li ken ante. jan li alasa e linja pi pini wawa la jan li lukin e ni: ona seme li ken awen e linja wawa mi? ona seme li pakala ala lon tenpo suli? lawa pi linja wawa li wile e ni: lon linja wawa pi mute lili la wawa li suli lili. jan li kepeken linja pi pini wawa tan ni: ona li ken pini e wawa linja pi tawa ike^(?) e suli ike e suli ante e pakala ilo. linja wawa pakala li lon poki kiwen lon ma la, wawa linja pi tawa ike li lon la linja pi pini wawa li kama telo.

linja pi pini wawa li weka e wawa tan ilo pakala sama ilo. poki pi pini wawa^(?) li weka e linja pi pini wawa lon tenpo mute. taso ona li ante. kon lili anu pakala ala anu mani pi mute lili li suli la, jan li kepeken linja pi pini wawa.