kulupu toki Loman
kulupu toki Loman li kulupu pi toki mute tan ma Elopa. kulupu ni li jo e toki Kanse e toki Epanja e toki Italija e toki Potuke e toki Lominija e toki ante mute. ona li wan pi kulupu toki Palata Elopa.
toki ale pi kulupu toki Loman li kama tan toki Lasina: ma Loma pi tenpo pini li kama pakala la toki Lasina li ante mute li kama toki ante li kama toki pi kulupu toki Loman.
toki ale pi kulupu ni li tan ma Elopa, taso tenpo ni la, jan pi ma ante li toki e toki pi kulupu toki Loman. ma Sulamelika la, jan mute li toki e toki Epanja e toki Potuke. kin la, ma Nosamelika la, jan mute li toki e toki Kanse lon ma Kepeke. ma Apika kin la, toki Kanse li suli tan ni: tenpo pini la ma Kanse li lawa e ma mute lon ma Apika.
ni li nimi "toki a!" lon toki mute pi kulupu toki Loman:
| toki | nimi "toki a!" |
|---|---|
| toki Epanja | Hola |
| toki Kanse | Salut |
| toki Potuke | Olá |
| toki Italija | Ciao |
| toki Lominija | Salut |
| toki Katala | Hola |