kulupu Ape

kulupu Ape (toki Inli la: Apple Inc.) li kulupu esun ilo tan ma Mewika. jan mute li sona e kulupu pali ni tan ilo sona ona. tomo lawa pi kulupu ni li lon ma Silikon Wali lon ma Kupasino lon ma Kaliponja. tenpo sike #1976 la, jan Si Sa (Steve Jobs) en jan Si Wanija (Steve Wozniak) en jan Wana Wen (Ronald Wayne) li pali e kulupu Ape Konputa (toki Inli la: Apple Computer Inc.). tenpo sike #2007 la, ona li ante e nimi ni tawa nimi pi tenpo lon. tenpo sike sama la, kulupu ni li pali e ilo jan ale kin. kulupu Ape li lon kulupu suli pi esun ilo (toki Inli la: Big Tech). kulupu ni la, kulupu Enwisija (toki Inli la: Nvidia) en kulupu Makoso (toki Inli la: Microsoft) en kulupu Apape (toki Inli la: Alphabet) en kulupu Amason (toki Inli la: Amazon) en kulupu Meta (toki Inli la: Meta) li lon kin.