kulupu laso (ma Tosi)
nimi pi kulupu pi nasin lawa laso pi ma Tosi li "Bündnis 90 / Die Grünen" (kulupu 90 / jan pi pilin laso).
wile
[o ante | o ante e toki ilo]wile lawa pi nasin lawa laso li ni: kon en telo en ma o pona. soweli en kasi o pilin pona. ni la jan pi tenpo ni en jan pi tenpo kama kin li pilin pona. nimi li tan kasi laso.
ona li wile e ni kin: jan pi ma ale o utala ala. meli en mije o jo e wawa sama.
tenpo ni
[o ante | o ante e toki ilo]jan 130.000 li jan kulupu.[1]
jan Kikata Lan (toki Tosi la: Ricarda Lang) en jan Omi Nulipu (toki Ilan la: (sitelen Lasina) Omid Nouripour) li jan lawa kulupu.
open pi tenpo sike nanpa 2021 la kulupu pi nasin lawa laso li lon kulupu pi jan lawa pi ma Tosi. ona li lon poka pi kulupu SPD li lon poka pi kulupu FDP.
tenpo pini
[o ante | o ante e toki ilo]tenpo sike nanpa 1980 la jan li open e kulupu lon ma Tosi pi poka pini suno. tenpo sike nanpa 1983 la jan li open lon kulupu lawa.
tenpo sike nanpa 1989 la jan pi ma Tosi pi poka open suno li open e kulupu mute tan ni: wawa taso pi kulupu SED o pini. jan ale o jo e wawa. tenpo sike nanpa 1990 la ni li kama. kulupu lawa tan wile pi jan ale li open. kulupu pi sitelen ni lon supa li wan li jo e nimi pi kulupu 90. kulupu pi nasin lawa laso li open kin.
ma Tosi li wan. tenpo ni la kulupu ni tu wan li wan. kulupu sin li jo e nimi tan ni.
open pi tenpo sike nanpa 1998 la pini pi tenpo sike nanpa 1994 la kulupu pi nasin lawa laso li lon kulupu pi jan lawa pi ma Tosi. ona li lon poka pi kulupu SPD.
tenpo sike 2016 la jan Winki Ketuman (toki Tosi la: Winfried Kretschmann) li kama jan lawa pi ma Paten Wetenpe. ona li jan lawa nanpa wan pi kulupu laso lon ma lili pi ma Tosi.