kulupu esun Apelu

kulupu esun Apelu (toki Inli: Apple) li kulupu esun ilo tan ma Mewika. jan mute li sona e kulupu pali ni tan ilo ona. tomo lawa pi kulupu ni li lon ma Silikon Wali lon ma Kupasino lon ma Kaliponja. tenpo sike nanpa luka luka luka tu tu ale mute mute mute luka luka luka wan (1976) la, Siwi Sapusu (Steve Jobs) en Siwi Wanija (Steve Wozniak) en Wana Weni (Ronald Wayne) li pali e kulupu Apelu Konputa. tenpo sike nanpa mute ale luka tu (2007) la, ona li ante e nimi ni tawa nimi pi tenpo ni. tenpo sike sama la, kulupu ni li pali e ilo jan ale kin. kulupu pali Apelu li lon kulupu pi ilo suli (toki Inli: Big Tech). kulupu pi ilo suli la, kulupu Enwisija (Nvidia) en kulupu Makoso (Microsoft) en kulupu Apape anu kulupu Kuko (Alphabet anu Google) en kulupu Amason (Amazon) en kulupu Meta (Meta) li lon kin.