kulupu esun
kulupu esun li kulupu jan ni: ona li pali kulupu li kama jo e mani tan esun. mute la ona li jo e tomo esun.
nasin pi kulupu esun
[o ante | o ante e toki ilo]nasin pali la nasin suli tu wan li lon:
- kulupu esun pi pali ma: ona li lanpan e kasi tan ma anu li suli e soweli. ona li pana esun e ona.
- kulupu esun pi pali ijo: ona li pali e ijo tan ijo ante li pana esun e ona. ona pali e ijo seme la, nasin lili mute li lon: kulupu esun pi ilo pali en kulupu esun pi tomo tawa en kulupu esun moku en kulupu esun pi sitelen tawa en ante mute.
- kulupu esun pi li pali tawa jan ante: ona li esun e pali ona tawa jan anu tawa kulupu esun ante. ona li pali seme la, nasin lili li lon:
- kulupu esun tawa: ona li tawa e ijo e jan.
- kulupu esun pi pali luka: jan pali ona li pali kepeken luka. ken la ona li pona e ijo pakala li lili e linja lawa li pana e linja telo anu e linja pi wawa linja lon tomo.
- kulupu esun pi esun ijo: ona li lanpan esun e ijo li pana esun e ona.
- kulupu esun mani: jan ken pana e mani tawa ona. tenpo ante la jan lanpan e mani ni e mani tan ni: kulupu esun li pana e mani tawa jan ante. tenpo ante la jan ni li pana e mani mute. kulupu esun mani li tawa kin e mani tan jan wan tawa jan ante.
- kulupu esun pi tomo lape
- kulupu esun pi tomo moku
- kulupu esun pi pana sona
jan jo la nasin ni li lon:
- kulupu esun pi jan jo wan: jan wan li jo e ale.
- kulupu esun pi jan jo mute: kulupu jan li jo e kulupu esun. nasin lili li lon tan ni: jan anu kulupu esun ante li wile e mani tan kulupu esun la ona li ken ala pana e mani la, seme pana e mani tan jo ona:
- jan jo ale (toki Tosi: offene Handelsgesellschaft, oHG)
- jan jo wan anu jan mute pi ale ala (toki Tosi: Kommanditgesellschaft, KG)
- jan ala. lon insa nasin ni la, nasin lili li lon tan nasin pi kama jan jo:
- jan ale taso li wile la, kulupu pi jan jo li ken ante (lon ma Tosi: GmbH, lon ma Juke lon ma Mewika: Ltd). ma mute la, nasin ni li lon ala.
- jan li kepeken e pali pi kulupu esun la, ona li ken pana e mani li kama jan pi kulupu jo (toki Inli: co-operative, toki Tosi: Genossenschaft).
- jan li ken esun e lipu jo. o lukin lon anpa.
kulupu esun pi lipu jo
[o ante | o ante e toki ilo]ona la jan jo e lipu. lon lipu la sitelen li toki e ni: sina jo e kipisi pi kulupu esun. jan li ken esun e lipu ni. mute la jan li ken esun li toki ala tawa e kulupu esun. ni la kulupu esun li sona ala e jan jo ona. tan ni la toki mute la nimi kulupu ni li kulupu pi nimi ala (toki Kanse: société anonyme, SA, toki Netelan: naamloze vernootschap, NV). toki ante li nimi e ona tan nimi pi lipu ni anu tan nimi pi jan jo ona (toki Tosi: Aktiengesellschaft, AG, toki Losi: акционерное общество, АО).
mute la kulupu esun suli li kulupu esun pi lipu jo. tomo esun pi lipu jo li lon. ni la jan li ken kama jo e kipisi lili pi kulupu esun ni li ken pana esun e ona kepeken nasin pona. jan ni li wile ala pali tawa e kulupu esun ni. ona li wile kama jo e mani taso.
kulupu pi kulupu esun
[o ante | o ante e toki ilo]ken la jan jo li jan lon ala li kulupu esun ante. ni la kulupu pi kulupu esun li lon.
kulupu esun wan
[o ante | o ante e toki ilo]lon poka pi kulupu esun ante mute la jan mute li sona e kulupu esun ni: